12 shlokas
- 1
उपनयनं व्याख्यास्यामः
upanayanaṃ vyākhyāsyāmaḥ
- 2
स पुरस्तादेव संभारान् उपकल्पयते पालाशम् इध्मं खादिरम् औदुम्बरं वैकङ्कतं वा
sa purastādeva saṃbhārān upakalpayate pālāśam idhmaṃ khādiram audumbaraṃ vaikaṅkataṃ vā
- 3
एतद्वृक्षीयाम् एव दर्वीं करोति त्वग्बिलां मूलदण्डारत्नीम्
etadvṛkṣīyām eva darvīṃ karoti tvagbilāṃ mūladaṇḍāratnīm
- 4
चतुरङ्गुलं बिलं करोति
caturaṅgulaṃ bilaṃ karoti
- 5
सादयाचारिकं कर्मेति विज्ञायते
sādayācārikaṃ karmeti vijñāyate
- 6
गर्भाष्टमेषु ब्राह्मणम् उपनयीत गर्भैकादशेषु राजन्यं गर्भद्वादशेषु वैश्यम्
garbhāṣṭameṣu brāhmaṇam upanayīta garbhaikādaśeṣu rājanyaṃ garbhadvādaśeṣu vaiśyam
- 7
गर्भनवमेषु ब्राह्मणम् इत्य् अपरम्
garbhanavameṣu brāhmaṇam ity aparam
- 8
वासांसि समामनन्त्यैणेयं ब्राह्मणो वसीत रौरवं राजन्यो बस्ताजिनं वैश्यः
vāsāṃsi samāmanantyaiṇeyaṃ brāhmaṇo vasīta rauravaṃ rājanyo bastājinaṃ vaiśyaḥ
- 9
यद् अजिनं धारयेद्ब्रह्मवर्चवृद्वासो धारयेत्क्षत्रं वर्धयेत्
yad ajinaṃ dhārayedbrahmavarcavṛdvāso dhārayetkṣatraṃ vardhayet
- 10
उभयं धार्यम् उभयोर्वृद्ध्या इति विज्ञायते
ubhayaṃ dhāryam ubhayorvṛddhyā iti vijñāyate
- 11
वसन्ते ब्राह्मणम् उपनयीत ग्रीष्मे हेमन्ते वा राजन्यं शरदि वैश्यं वर्षासु रथकारं शिशिरे वा सर्वान्
vasante brāhmaṇam upanayīta grīṣme hemante vā rājanyaṃ śaradi vaiśyaṃ varṣāsu rathakāraṃ śiśire vā sarvān
- 12
आपूर्यमाणपक्षे पुण्ये नक्षत्रे विशेषेण पुंनामधेय आशितस्य कुमारस्य केशान्वापयित्वा स्नातमलंकृतम् अहतं वासः परिधाप्य प्राचीनप्रवण उदीचीनप्रवणे समे वा देशे स्थण्डिलम् उद्धत्यावोक्ष्याग्निं मथित्वा लौकिकं वाहृत्य न्युप्योपसमादधाति
āpūryamāṇapakṣe puṇye nakṣatre viśeṣeṇa puṃnāmadheya āśitasya kumārasya keśānvāpayitvā snātamalaṃkṛtam ahataṃ vāsaḥ paridhāpya prācīnapravaṇa udīcīnapravaṇe same vā deśe sthaṇḍilam uddhatyāvokṣyāgniṃ mathitvā laukikaṃ vāhṛtya nyupyopasamādadhāti

