7 shlokas
- 1
तत आह स्नापयतैनाम् इति
tata āha snāpayatainām iti
- 2
स्नातायै वाससी प्रयच्छति
या अकृन्तन्नवयन्या अतन्वत याश्च देवीर् अन्तान् अभितो ऽददन्त
तास्त्वा देवीर्जरसे संव्ययन्त्व् आयुष्मतीदं परिधत्स्व वास इति
snātāyai vāsasī prayacchati
yā akṛntannavayanyā atanvata yāśca devīr antān abhito 'dadanta
tāstvā devīrjarase saṃvyayantv āyuṣmatīdaṃ paridhatsva vāsa iti
- 3
अथैनां परिधापयति
परिधत्त धत्त वाससैनां शतायुषीं कृणुत दीर्घम् आयुः
बृहस्पतिः प्रयच्छद्वास एतत्सोमाय राज्ञे परिधातवा उ
जरां गच्छासि परिधत्स्व वासो भवा कृष्टीनाम् अभिशस्तिपावती
शतं च जीव शरदः सुवर्चा रायश्च पोषम् उपसंव्ययस्वेति
athaināṃ paridhāpayati
paridhatta dhatta vāsasaināṃ śatāyuṣīṃ kṛṇuta dīrgham āyuḥ
bṛhaspatiḥ prayacchadvāsa etatsomāya rājñe paridhātavā u
jarāṃ gacchāsi paridhatsva vāso bhavā kṛṣṭīnām abhiśastipāvatī
śataṃ ca jīva śaradaḥ suvarcā rāyaśca poṣam upasaṃvyayasveti
- 4
परिहिताम् अभिमन्त्रयते
परीदं वासो अधिधाः स्वस्तये ऽभूर् आपीनाम् अभिशस्तिपावती
शतं च जीव शरदः पुरूचीर्वसूनि चार्या विभजासि जीवतीति
parihitām abhimantrayate
parīdaṃ vāso adhidhāḥ svastaye 'bhūr āpīnām abhiśastipāvatī
śataṃ ca jīva śaradaḥ purūcīrvasūni cāryā vibhajāsi jīvatīti
- 5
अथास्या अग्रेण ज्ञातिकुलम् अग्निम् उपसमाधायाघाराव् आघार्याज्यभागौ जुहोत्य् अग्नये जनिविदे स्वाहेत्य् उत्तरार्धपूर्वार्धे सोमाय जनिविदे स्वाहेति दक्षिणार्धपूर्वार्धे
athāsyā agreṇa jñātikulam agnim upasamādhāyāghārāv āghāryājyabhāgau juhoty agnaye janivide svāhety uttarārdhapūrvārdhe somāya janivide svāheti dakṣiṇārdhapūrvārdhe
- 6
तत एता आहुतीर्जुहोति
भूः स्वाहा भुवः स्वाहा सुवः स्वाहा भूर्भुवः सुवः स्वाहा
या तिरश्ची यानूची संराधन्यै प्रसाधन्यै सदसस्पतिं युक्तो वह जातवेद इति
tata etā āhutīrjuhoti
bhūḥ svāhā bhuvaḥ svāhā suvaḥ svāhā bhūrbhuvaḥ suvaḥ svāhā
yā tiraścī yānūcī saṃrādhanyai prasādhanyai sadasaspatiṃ yukto vaha jātaveda iti
- 7
जयाभ्यातानान्राष्ट्रभृत इति हुत्वैता आहुतीर्जुहोति
jayābhyātānānrāṣṭrabhṛta iti hutvaitā āhutīrjuhoti

