8 shlokas
- 1
अपरेणाग्निं द्वयान्दर्भान्पूर्वापरान् उदगग्रान्स्तृणाति
apareṇāgniṃ dvayāndarbhānpūrvāparān udagagrānstṛṇāti
- 2
तेषु पूर्वापरावुपतिष्ठेते
teṣu pūrvāparāvupatiṣṭhete
- 3
प्राङ्मुखः प्रत्यङ्मुखस्य हस्तं गृह्णीयाद् इत्य् एकं प्रत्यङ्मुखः प्राङ्मुखस्येत्यपरम्
prāṅmukhaḥ pratyaṅmukhasya hastaṃ gṛhṇīyād ity ekaṃ pratyaṅmukhaḥ prāṅmukhasyetyaparam
- 4
अथैनयोः प्रैषकृद् अञ्जली उदकेन पूरयति
athainayoḥ praiṣakṛd añjalī udakena pūrayati
- 5
अथास्याञ्जलिनाञ्जलाव् उदकम् आनयति
शं नो देवीर् अभिष्टय आपो भवन्तु पीतये
शं योर् अभिस्रवन्तु न इति
athāsyāñjalināñjalāv udakam ānayati
śaṃ no devīr abhiṣṭaya āpo bhavantu pītaye
śaṃ yor abhisravantu na iti
- 6
अथास्य दक्षिणेन हस्तेन दक्षिणं हस्तम् अभीवाङ्गुष्ठम् अभीव लोमानि गृह्णाति
देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्यां हस्तेन ते हस्तं गृह्णामि सवित्रा प्रसूतः को नामासीति
athāsya dakṣiṇena hastena dakṣiṇaṃ hastam abhīvāṅguṣṭham abhīva lomāni gṛhṇāti
devasya tvā savituḥ prasave 'śvinorbāhubhyāṃ pūṣṇo hastābhyāṃ hastena te hastaṃ gṛhṇāmi savitrā prasūtaḥ ko nāmāsīti
- 7
असाव् इतीतरः प्रत्याह
asāv itītaraḥ pratyāha
- 8
तस्य नामाभिपद्य जपति
असौ सविता ते हस्तम् अग्रभीद् अग्निष्ट आचार्यः कस्य ब्रह्मचार्यसि कस्मै त्वा काय त्वा कम् उपनयाम्य् आगन्ता मा रिषेण्यतः प्रस्थावानो मावस्थातु समन्यवो दृढाश्चिद् अमरिष्णवः कृशाश्चिद् अमरिष्णव आगन्त संरभावहै प्रेतो मृत्युं नुदावहै न मृत्युश्चरतीह
tasya nāmābhipadya japati
asau savitā te hastam agrabhīd agniṣṭa ācāryaḥ kasya brahmacāryasi kasmai tvā kāya tvā kam upanayāmy āgantā mā riṣeṇyataḥ prasthāvāno māvasthātu samanyavo dṛḍhāścid amariṣṇavaḥ kṛśāścid amariṣṇava āganta saṃrabhāvahai preto mṛtyuṃ nudāvahai na mṛtyuścaratīha

