11 shlokas
- 1
अथ पुंसवनम्
atha puṃsavanam
- 2
तृतीये मासि चतुर्थादौ वा तिष्येण वा हस्तेन वानुराधैर्वोत्तरैर्वा प्रोष्ठपदैः
tṛtīye māsi caturthādau vā tiṣyeṇa vā hastena vānurādhairvottarairvā proṣṭhapadaiḥ
- 3
न्यग्रोधावरोधम् आहृत्यानवस्नातया कुमार्या दृषत्पुत्रे दृषत्पुत्रेण पेषयित्वान्तरागारे ऽग्निम् उपसमाधाय जयाभ्यातानान्राष्ट्रभृत इति हुत्वैता आहुतीर्जुहोति यस्त्वा हृदा किरिणेति चतस्रः
nyagrodhāvarodham āhṛtyānavasnātayā kumāryā dṛṣatputre dṛṣatputreṇa peṣayitvāntarāgāre 'gnim upasamādhāya jayābhyātānānrāṣṭrabhṛta iti hutvaitā āhutīrjuhoti yastvā hṛdā kiriṇeti catasraḥ
- 4
अपरेणाग्निं प्राचीम् उत्तानां निपात्याथास्या दक्षिणे नासिकाछिद्रे ऽङ्गुष्ठेनानुनयति पुंसवनम् अस्य् अमुष्या इति
apareṇāgniṃ prācīm uttānāṃ nipātyāthāsyā dakṣiṇe nāsikāchidre 'ṅguṣṭhenānunayati puṃsavanam asy amuṣyā iti
- 5
सा हेत्य् आह
sā hety āha
- 6
पुमांसम् एव जनयति
pumāṃsam eva janayati
- 7
अथ क्षिप्रंसुवनम्
atha kṣipraṃsuvanam
- 8
यज्ञोपवीतं कृत्वाप आचम्यानाप्रीतेन शरावेणानुस्रोतसम् उदकम् आहृत्य पत्तस्तूर्यन्तीं निधाय मूर्धञ्छोष्यन्तीम् अभिमृशति दशभिस्त्वाङ्गुलिभिर् अभिमृशामि दशमास्याय सूतवा इति
yajñopavītaṃ kṛtvāpa ācamyānāprītena śarāveṇānusrotasam udakam āhṛtya pattastūryantīṃ nidhāya mūrdhañchoṣyantīm abhimṛśati daśabhistvāṅgulibhir abhimṛśāmi daśamāsyāya sūtavā iti
- 9
अथैनाम् अद्भिर् अवोक्षति
यथैव वातः पवते यथा समुद्र एजति
एवं कुमार एजतु सह जरायुणावपद्यताम् इति
athainām adbhir avokṣati
yathaiva vātaḥ pavate yathā samudra ejati
evaṃ kumāra ejatu saha jarāyuṇāvapadyatām iti
- 10
अथ यद्यपरा न पतेत्पाणिनोदकम् आदाय मूर्धन्येनाम् अवसिञ्चेत्तिलदे ऽवपद्यस्व न मांसम् असि नो दलम् अवपद्यस्वासाविति
atha yadyaparā na patetpāṇinodakam ādāya mūrdhanyenām avasiñcettilade 'vapadyasva na māṃsam asi no dalam avapadyasvāsāviti
- 11
यदि गर्भः स्रंसेद् आर्द्रेण पाणिना त्रिर् ऊर्ध्वं नाभेर् उन्मृजेत्
पराञ्चं त्वा नार्वाञ्चं त्वष्टा बध्नातु बन्धनैः
स ऋतून् उपशेष्व दशमासो ऽवीरहेति
yadi garbhaḥ sraṃsed ārdreṇa pāṇinā trir ūrdhvaṃ nābher unmṛjet
parāñcaṃ tvā nārvāñcaṃ tvaṣṭā badhnātu bandhanaiḥ
sa ṛtūn upaśeṣva daśamāso 'vīraheti

