13 shlokas
- 1
अथ परिषिञ्चत्य् अदिते ऽनुमन्यस्वेति दक्षिणतो ऽनुमते ऽनुमन्यस्वेति पश्चात्सरस्वते ऽनुमन्यस्वेत्य् उत्तरतो देव सवितः प्रसुवेति समन्तम्
atha pariṣiñcaty adite 'numanyasveti dakṣiṇato 'numate 'numanyasveti paścātsarasvate 'numanyasvety uttarato deva savitaḥ prasuveti samantam
- 2
एवं हुत्वा परिषिञ्चति
evaṃ hutvā pariṣiñcati
- 3
कृतवन्मन्त्रान्नमति
kṛtavanmantrānnamati
- 4
इध्मं त्रेधाभ्यज्य सकृद् एवादधात्य् अयं त इध्म आत्मा जातवेदस्तेन वर्धस्व चेन्द्धि वर्धय चास्मान्प्रजया पशुभिर्ब्रह्मवर्चसेनान्नाद्येन समेधय स्वाहेति
idhmaṃ tredhābhyajya sakṛd evādadhāty ayaṃ ta idhma ātmā jātavedastena vardhasva cenddhi vardhaya cāsmānprajayā paśubhirbrahmavarcasenānnādyena samedhaya svāheti
- 5
उत्तरं परिधिसंधिमन्ववहृत्य दर्वीं दक्षिणाप्राञ्चम् आसीनः संततम् ऋजुम् आघारम् आघारयति प्रजापतिं मनसा ध्यायन्
uttaraṃ paridhisaṃdhimanvavahṛtya darvīṃ dakṣiṇāprāñcam āsīnaḥ saṃtatam ṛjum āghāram āghārayati prajāpatiṃ manasā dhyāyan
- 6
न च स्वाहाकरोति
na ca svāhākaroti
- 7
दक्षिणं परिधिसंधिम् अन्ववहृत्येन्द्राय स्वाहेति प्राञ्चम् उदञ्चं संततम् ऋजुम् आघारम् आघार्याज्यभागौ जुहोत्य् अग्नये मेधपतये स्वाहेत्य् उत्तरार्धपूर्वार्धे सोमाय मेधपतये स्वाहेति दक्षिणार्धपूर्वार्धे
dakṣiṇaṃ paridhisaṃdhim anvavahṛtyendrāya svāheti prāñcam udañcaṃ saṃtatam ṛjum āghāram āghāryājyabhāgau juhoty agnaye medhapataye svāhety uttarārdhapūrvārdhe somāya medhapataye svāheti dakṣiṇārdhapūrvārdhe
- 8
ताव् अन्तरेणेतरा आहुतीर्जुहोति
tāv antareṇetarā āhutīrjuhoti
- 9
सर्वदर्विहोमाणाम् एष कल्पः
sarvadarvihomāṇām eṣa kalpaḥ
- 10
मन्त्रान्ते नित्यः स्वाहाकारः
mantrānte nityaḥ svāhākāraḥ
- 11
अमन्त्रास्व् अमुष्मै स्वाहेति यथादेवतम् आदिष्टदेवते
amantrāsv amuṣmai svāheti yathādevatam ādiṣṭadevate
- 12
अथानादिष्टदेवते ऽग्नये स्वाहा सोमाय स्वाहा प्रजापतये स्वाहा विश्वेभ्यो देवेभ्यः स्वाहाग्नये स्विष्टकृते स्वाहेति
athānādiṣṭadevate 'gnaye svāhā somāya svāhā prajāpataye svāhā viśvebhyo devebhyaḥ svāhāgnaye sviṣṭakṛte svāheti
- 13
व्याहृतीभिर्जुहोत्येकैकशः समस्ताभिश्च
vyāhṛtībhirjuhotyekaikaśaḥ samastābhiśca

