11 shlokas
- 1
अग्नये च त्वा पृथिव्यै चोन्नयामीति प्रथमं वायवे च त्वान्तरिक्षाय चेति द्वितीयं सूर्याय च त्वा दिवे चेति तृतीयं चन्द्रमसे च त्वा नक्षत्रेभ्यश्चेति चतुर्थम्
agnaye ca tvā pṛthivyai connayāmīti prathamaṃ vāyave ca tvāntarikṣāya ceti dvitīyaṃ sūryāya ca tvā dive ceti tṛtīyaṃ candramase ca tvā nakṣatrebhyaśceti caturtham
- 2
अद्भ्यश्च त्वौषधीभ्यश्चेति पञ्चमं जमदग्नीनाम्
adbhyaśca tvauṣadhībhyaśceti pañcamaṃ jamadagnīnām
- 3
भूर् इडा भुव इडा सुवर् इडा करद् इडा पृथग् इडेति वा प्रतिमन्त्रम्
bhūr iḍā bhuva iḍā suvar iḍā karad iḍā pṛthag iḍeti vā pratimantram
- 4
पशून्मे यच्छेत्य् अपरेण गार्हपत्यम् उन्नयनदेशे ऽभितरां वा सादयित्वा गार्हपत्ये हस्तं प्रताप्य संमृशति सजूर्देवैः सायंयावभिः सायंयावानो देवाः स्वस्ति संपारयन्तु पशुभिः संपृचीय प्रजां दृंहेति सायम्
सजूर्देवैः प्रातर्यावभिः प्रातर्यावाणो देवाः स्वस्ति संपारयन्तु पशुभिः संपृचीय प्रजां दृंहेति प्रातः
paśūnme yacchety apareṇa gārhapatyam unnayanadeśe 'bhitarāṃ vā sādayitvā gārhapatye hastaṃ pratāpya saṃmṛśati sajūrdevaiḥ sāyaṃyāvabhiḥ sāyaṃyāvāno devāḥ svasti saṃpārayantu paśubhiḥ saṃpṛcīya prajāṃ dṛṃheti sāyam
sajūrdevaiḥ prātaryāvabhiḥ prātaryāvāṇo devāḥ svasti saṃpārayantu paśubhiḥ saṃpṛcīya prajāṃ dṛṃheti prātaḥ
- 5
दशहोत्रा चाभिमृश्य पालाशीं समिधं प्रादेशमात्रीम् उपरि धारयन्गार्हपत्यस्य समयार्चिर्हरति
daśahotrā cābhimṛśya pālāśīṃ samidhaṃ prādeśamātrīm upari dhārayangārhapatyasya samayārcirharati
- 6
उर्व् अन्तरिक्षं वीहीत्य् उद्द्रवति
urv antarikṣaṃ vīhīty uddravati
- 7
उद्द्रवन्दशहोतारं व्याचष्टे
uddravandaśahotāraṃ vyācaṣṭe
- 8
समं प्राणैर्हरति
samaṃ prāṇairharati
- 9
स्वाहाग्नये वैश्वानरायेति मध्यदेशे नियच्छति
svāhāgnaye vaiśvānarāyeti madhyadeśe niyacchati
- 10
वाताय त्वेत्य् उद्गृह्णाति
vātāya tvety udgṛhṇāti
- 11
उप प्रेत संयतध्वं मान्तर्गात भागिनं भागधेयात्सप्तर्षीणां सुकृतां यत्र लोकस्तत्रेमं यज्ञं यजमानं च धेह्य् उप प्रत्नम् उप भूर्भुवः सुवर् आयुर्मे यच्छेत्य् अपरेणाहवनीयं दर्भेषु सादयति
upa preta saṃyatadhvaṃ māntargāta bhāginaṃ bhāgadheyātsaptarṣīṇāṃ sukṛtāṃ yatra lokastatremaṃ yajñaṃ yajamānaṃ ca dhehy upa pratnam upa bhūrbhuvaḥ suvar āyurme yacchety apareṇāhavanīyaṃ darbheṣu sādayati

