13 shlokas
- 1
पूर्ववद् अग्नीन्परिषिञ्चति
न धाराम्
pūrvavad agnīnpariṣiñcati
na dhārām
- 2
अपिप्रेर् अग्ने स्वां तन्वम् अयाड्द्यावापृथिवी ऊर्जम् अस्मासु धेहीत्य् अग्निहोत्रस्थाल्यां तृणम् अङ्क्त्वानुप्रहरति
apiprer agne svāṃ tanvam ayāḍdyāvāpṛthivī ūrjam asmāsu dhehīty agnihotrasthālyāṃ tṛṇam aṅktvānupraharati
- 3
सा ह्य् अग्निहोत्रस्य संस्थितिः
sā hy agnihotrasya saṃsthitiḥ
- 4
न बर्हिर् अनुप्रहरेत्
असंस्थितो वा एष यज्ञो यद् अग्निहोत्रम् इत्य् उक्तम्
na barhir anupraharet
asaṃsthito vā eṣa yajño yad agnihotram ity uktam
- 5
अग्निहोत्रस्थालीं प्रक्षाल्याक्षितम् अक्षित्यै जुहोमि स्वाहेत्य् उन्नयनदेशे निनयति
अन्तर्वेदि वा
agnihotrasthālīṃ prakṣālyākṣitam akṣityai juhomi svāhety unnayanadeśe ninayati
antarvedi vā
- 6
वृष्टिर् असि वृश्च मे पाप्मानम् ऋतात्सत्यम् उपागाम् अप्सु श्रद्धेत्य् अप आचम्य यजमानो ऽन्तर्वेदि मार्जयते ऽन्नादाः स्थान्नादो भूयासं यशः स्थ यशस्वी भूयासं श्रद्धा स्थ श्रद्धिषीयेति
vṛṣṭir asi vṛśca me pāpmānam ṛtātsatyam upāgām apsu śraddhety apa ācamya yajamāno 'ntarvedi mārjayate 'nnādāḥ sthānnādo bhūyāsaṃ yaśaḥ stha yaśasvī bhūyāsaṃ śraddhā stha śraddhiṣīyeti
- 7
आपो ह श्लेष्म प्रथमं संबभूव येन धृतो वरुणो येन मित्रः
येनेन्द्रं देवा अभ्यषिञ्चन्त राज्याय तेनाहं माम् अभिषिञ्चामि वर्चस इति शिरस्य् अप आनयते
āpo ha śleṣma prathamaṃ saṃbabhūva yena dhṛto varuṇo yena mitraḥ
yenendraṃ devā abhyaṣiñcanta rājyāya tenāhaṃ mām abhiṣiñcāmi varcasa iti śirasy apa ānayate
- 8
द्वयोः पयसा पशुकामस्य जुहुयात्
dvayoḥ payasā paśukāmasya juhuyāt
- 9
अग्निहोत्रस्थाल्या पूर्वां दोग्धि
दोहनेनोत्तराम्
agnihotrasthālyā pūrvāṃ dogdhi
dohanenottarām
- 10
अधिश्रित्य पूर्वम् उत्तरम् आनयति
adhiśritya pūrvam uttaram ānayati
- 11
यस्य रुद्रः पशूञ्छमायेतैतयैवावृता द्वयोः पयसा सायं प्रातर्जुहुयात्
yasya rudraḥ paśūñchamāyetaitayaivāvṛtā dvayoḥ payasā sāyaṃ prātarjuhuyāt
- 12
तच्चेद् अतिहन्यात्सजूर्जातवेदो दिव आ पृथिव्या अस्य हविषो घृतस्य वीहि स्वाहेति सायं प्रातर् आज्येन जुहुयात्
tacced atihanyātsajūrjātavedo diva ā pṛthivyā asya haviṣo ghṛtasya vīhi svāheti sāyaṃ prātar ājyena juhuyāt
- 13
अनारमत्य् अग्ने दुःशीर्ततनो जुषस्व स्वाहेति द्वादशाहम् आज्येन हुत्वा तत ऊर्ध्वं न सूर्क्षेत्
anāramaty agne duḥśīrtatano juṣasva svāheti dvādaśāham ājyena hutvā tata ūrdhvaṃ na sūrkṣet

