22 shlokas
- 1
इदं श्रेयो ऽवसानं यद् आगां स्योने मे द्यावापृथिवी अभूताम्
अनमीवाः प्रदिशः सन्तु मह्यम्
गोमद्धनवद् अश्ववत्पुरुषवद्धिरण्यवत्सुवीरवत्स्वाहेत्य् अवसिते जुहोति
idaṃ śreyo 'vasānaṃ yad āgāṃ syone me dyāvāpṛthivī abhūtām
anamīvāḥ pradiśaḥ santu mahyam
gomaddhanavad aśvavatpuruṣavaddhiraṇyavatsuvīravatsvāhety avasite juhoti
- 2
नानिष्ट्वाग्रयणेनाहिताग्निर्नवस्याश्नीयात्
nāniṣṭvāgrayaṇenāhitāgnirnavasyāśnīyāt
- 3
व्रीहीणां यवानां श्यामाकानाम् इत्य् अग्रपाकस्य यजेत
vrīhīṇāṃ yavānāṃ śyāmākānām ity agrapākasya yajeta
- 4
अमावास्यायां पौर्णमास्यां वा
amāvāsyāyāṃ paurṇamāsyāṃ vā
- 5
आमावास्यं तन्त्रम्
āmāvāsyaṃ tantram
- 6
सप्तदश सामिधेन्यः
saptadaśa sāmidhenyaḥ
- 7
निर्वपणकाल आग्नेयम् अष्टाकपालं निर्वपति पुराणानां व्रीहीणाम्
nirvapaṇakāla āgneyam aṣṭākapālaṃ nirvapati purāṇānāṃ vrīhīṇām
- 8
यथा दान्तेनादान्तं संयुनक्ति तादृक्तद् इति विज्ञायते
yathā dāntenādāntaṃ saṃyunakti tādṛktad iti vijñāyate
- 9
येन यज्ञेनेर्त्सेत्कुर्याद् एव तत्राग्नेयम् अष्टाकपालम् इति विज्ञायते
yena yajñenertsetkuryād eva tatrāgneyam aṣṭākapālam iti vijñāyate
- 10
नवानाम् इतराण्य् ऐन्द्राग्नं द्वादशकपालम् आग्नेन्द्रं वा वैश्वदेवं पयसि चरुं सौम्यं श्यामाकं चरुं द्यावापृथिव्यम् एककपालम्
navānām itarāṇy aindrāgnaṃ dvādaśakapālam āgnendraṃ vā vaiśvadevaṃ payasi caruṃ saumyaṃ śyāmākaṃ caruṃ dyāvāpṛthivyam ekakapālam
- 11
पुरस्तात्सौम्याद्द्यावापृथिव्यम् एके समामनन्ति
purastātsaumyāddyāvāpṛthivyam eke samāmananti
- 12
निरुप्तं हविरुपसन्नम् अप्रोक्षितं भवति
अथ पञ्चाज्यानीर्जुहोति शतायुधाय शतवीर्यायेति
niruptaṃ havirupasannam aprokṣitaṃ bhavati
atha pañcājyānīrjuhoti śatāyudhāya śatavīryāyeti
- 13
पुरस्ताद्वा स्विष्टकृतः
purastādvā sviṣṭakṛtaḥ
- 14
प्रोक्षादि कर्म प्रतिपद्यते
prokṣādi karma pratipadyate
- 15
एकम् उलूखलं मुसलं प्रतिबीजं वा
ekam ulūkhalaṃ musalaṃ pratibījaṃ vā
- 16
सर्वेषु हविष्कृद् अवहननमन्त्रः
sarveṣu haviṣkṛd avahananamantraḥ
- 17
तुषोपवपनम्
tuṣopavapanam
- 18
उत्तमम् ओप्य वाचं विसृजते
uttamam opya vācaṃ visṛjate
- 19
एषो ऽन्येषां नानाबीजानां समवेतानां कल्पः
eṣo 'nyeṣāṃ nānābījānāṃ samavetānāṃ kalpaḥ
- 20
अलंकरणकाल आज्येनैककपालम् अभिपूरयति
alaṃkaraṇakāla ājyenaikakapālam abhipūrayati
- 21
आविःपृष्ठं वा कृत्वासादयति
āviḥpṛṣṭhaṃ vā kṛtvāsādayati
- 22
प्रचरणकाल उद्धृत्य बर्हिषदं कृत्वा जुह्वाम् उपस्तीर्याधायाशयम् अन्वानीयाभिघार्योपांशु प्रचरति
pracaraṇakāla uddhṛtya barhiṣadaṃ kṛtvā juhvām upastīryādhāyāśayam anvānīyābhighāryopāṃśu pracarati

