7 shlokas
- 1
सौर्यं हविर् इति प्रातर्मन्त्रं संनमति
sauryaṃ havir iti prātarmantraṃ saṃnamati
- 2
द्विः स्रुचं निर्लिह्याद्भिः पूरयित्वोच्छिष्टभाजो जिन्वेति पराचीनं निनीयाचम्याग्रेणाहवनीयं दर्भैर् अग्निहोत्रहवणीं प्रक्षालयति
dviḥ srucaṃ nirlihyādbhiḥ pūrayitvocchiṣṭabhājo jinveti parācīnaṃ ninīyācamyāgreṇāhavanīyaṃ darbhair agnihotrahavaṇīṃ prakṣālayati
- 3
न मांसधौतस्य देवा भुञ्जत इति विज्ञायते
na māṃsadhautasya devā bhuñjata iti vijñāyate
- 4
अद्भिः स्रुचं पूरयित्वा सर्पेभ्यस्त्वा सर्पाञ्जिन्वेति प्रतिदिशं व्युत्सिच्य सर्पान्पिपीलिका जिन्व सर्पेतरजनाञ्जिन्व सर्पदेवजनाञ्जिन्वेति तिस्रः स्रुच उत्सिच्य चतुर्थीं पूरयित्वा पृथिव्याम् अमृतं जुहोमि स्वाहेत्य् अपरेणाहवनीयं निनीय शेषं पत्न्या अञ्जलौ गृहेभ्यस्त्वा गृहाञ्जिन्वेति
adbhiḥ srucaṃ pūrayitvā sarpebhyastvā sarpāñjinveti pratidiśaṃ vyutsicya sarpānpipīlikā jinva sarpetarajanāñjinva sarpadevajanāñjinveti tisraḥ sruca utsicya caturthīṃ pūrayitvā pṛthivyām amṛtaṃ juhomi svāhety apareṇāhavanīyaṃ ninīya śeṣaṃ patnyā añjalau gṛhebhyastvā gṛhāñjinveti
- 5
यदि पत्नी नानुष्याद्देवानां पत्नीभ्यो ऽमृतं जुहोमि स्वाहेति पत्न्यायतने निनयेत्
yadi patnī nānuṣyāddevānāṃ patnībhyo 'mṛtaṃ juhomi svāheti patnyāyatane ninayet
- 6
अपरं स्रुच्य् आनीय विप्रुषां शान्तिर् असीत्य् उन्नयनदेशे निनीयाहवनीये स्रुचं प्रताप्य हस्तो ऽवधेयो हस्तो वा प्रताप्य स्रुच्य् अवधेयः
aparaṃ srucy ānīya vipruṣāṃ śāntir asīty unnayanadeśe ninīyāhavanīye srucaṃ pratāpya hasto 'vadheyo hasto vā pratāpya srucy avadheyaḥ
- 7
तयोदग् उद्दिशति सप्तर्षिभ्यस्त्वा सप्तर्षीञ्जिन्वेति
tayodag uddiśati saptarṣibhyastvā saptarṣīñjinveti

