12 shlokas
- 1
समिधम् आधाय प्राण्यापान्य निमील्य वीक्ष्य हुत्वा ध्यायेद्यत्कामः स्यात्
samidham ādhāya prāṇyāpānya nimīlya vīkṣya hutvā dhyāyedyatkāmaḥ syāt
- 2
हुत्वा महद् अभिवीक्षते
hutvā mahad abhivīkṣate
- 3
आदीप्तायां जुहोति श्यावायां वा यदा वा समतीतार्चिर्लेलायतीव
धूपायत्यां ग्रामकामस्य ज्वलत्यां ब्रह्मवर्चसकामस्याङ्गारेषु तेजस्कामस्य
ādīptāyāṃ juhoti śyāvāyāṃ vā yadā vā samatītārcirlelāyatīva
dhūpāyatyāṃ grāmakāmasya jvalatyāṃ brahmavarcasakāmasyāṅgāreṣu tejaskāmasya
- 4
द्व्यङ्गुले मूलात्समिधम् अभिजुहोति
dvyaṅgule mūlātsamidham abhijuhoti
- 5
अभिक्रामं सायं जुहोत्य् अवक्रामं प्रातः
abhikrāmaṃ sāyaṃ juhoty avakrāmaṃ prātaḥ
- 6
उभयत्र वाभिक्रामम्
ubhayatra vābhikrāmam
- 7
भूर्भुवः सुवर् इति होष्यञ्जपति
bhūrbhuvaḥ suvar iti hoṣyañjapati
- 8
अग्निर्ज्योतिर्ज्योतिर् अग्निः स्वाहेति सायम् अग्निहोत्रं जुहोति
सूर्यो ज्योतिर्ज्योतिः सूर्यः स्वाहेति प्रातः
agnirjyotirjyotir agniḥ svāheti sāyam agnihotraṃ juhoti
sūryo jyotirjyotiḥ sūryaḥ svāheti prātaḥ
- 9
संसृष्टहोमं वाग्निर्ज्योतिर्ज्योतिः सूर्यः स्वाहेति सायं
सूर्यो ज्योतिर्ज्योतिर् अग्निः स्वाहेति प्रातः
saṃsṛṣṭahomaṃ vāgnirjyotirjyotiḥ sūryaḥ svāheti sāyaṃ
sūryo jyotirjyotir agniḥ svāheti prātaḥ
- 10
इषे त्वेति स्रुङ्मुखाद् अवाचीनं सायं लेपम् अवमार्ष्ट्य् ऊर्जे त्वेति
ऊर्ध्वं प्रातः
iṣe tveti sruṅmukhād avācīnaṃ sāyaṃ lepam avamārṣṭy ūrje tveti
ūrdhvaṃ prātaḥ
- 11
ओषधीभ्यस्त्वौषधीर्जिन्वेति बर्हिषि लेपं निमृज्य वर्चो मे यच्छेति स्रुचं सादयित्वाग्ने गृहपते मा मा संताप्सीर् आत्मन्न् अमृतम् अधिषि प्रजा ज्योतिर् अदब्धेन त्वा चक्षुषा प्रतीक्ष इति गार्हपत्यं प्रतीक्ष्य भूर्भुवः सुवर् इत्य् उत्तराम् आहुतिं पूर्वार्धे समिधि जुहोति तूष्णीं वा
oṣadhībhyastvauṣadhīrjinveti barhiṣi lepaṃ nimṛjya varco me yaccheti srucaṃ sādayitvāgne gṛhapate mā mā saṃtāpsīr ātmann amṛtam adhiṣi prajā jyotir adabdhena tvā cakṣuṣā pratīkṣa iti gārhapatyaṃ pratīkṣya bhūrbhuvaḥ suvar ity uttarām āhutiṃ pūrvārdhe samidhi juhoti tūṣṇīṃ vā
- 12
न समिद् अभिहोतवा इत्य् एके
na samid abhihotavā ity eke

