14 shlokas
- 1
सगृहः प्रयास्यन्वास्तोष्पतीयं जुहोति
sagṛhaḥ prayāsyanvāstoṣpatīyaṃ juhoti
- 2
अहुते यानेषु भण्डान्य् आरोपयन्ति
ahute yāneṣu bhaṇḍāny āropayanti
- 3
न हीनम् अन्वाहरेयुः
na hīnam anvāhareyuḥ
- 4
यद्य् अनोवाह्यं स्यात्पूर्वं तं प्रवहेयुर् अप वोद्धरेयुः
yady anovāhyaṃ syātpūrvaṃ taṃ pravaheyur apa voddhareyuḥ
- 5
यत्र संहिता रात्रीर्वसेत्पञ्च सप्त नव दश वा तत्प्रयास्यञ्जुहुयात्
yatra saṃhitā rātrīrvasetpañca sapta nava daśa vā tatprayāsyañjuhuyāt
- 6
नवरात्रवस्तौ वा पुनर् एत्यैकाम् उषित्वा प्रयास्यञ्जुहुयात्
navarātravastau vā punar etyaikām uṣitvā prayāsyañjuhuyāt
- 7
दक्षिणो युक्तो भवति सव्यो ऽयुक्तः
अपि वाग्निष्ठस्य दक्षिणो युक्तः सव्यस्य योक्त्रं परिहृतम्
सर्वेषु वा युक्तेषु
dakṣiṇo yukto bhavati savyo 'yuktaḥ
api vāgniṣṭhasya dakṣiṇo yuktaḥ savyasya yoktraṃ parihṛtam
sarveṣu vā yukteṣu
- 8
वास्तोष्पत इत्य् अनुद्रुत्योत्तरया गार्हपत्ये हुत्वावक्षाणानि संप्रक्षाप्य पृथग् अरणीष्व् अग्नीन्समारोपयते ये धार्यन्ते
vāstoṣpata ity anudrutyottarayā gārhapatye hutvāvakṣāṇāni saṃprakṣāpya pṛthag araṇīṣv agnīnsamāropayate ye dhāryante
- 9
उपर्य् अग्नाव् अरणी धारयञ्जपत्य् अयं ते योनिर् ऋत्विय इति
upary agnāv araṇī dhārayañjapaty ayaṃ te yonir ṛtviya iti
- 10
अपि वा यजमान एवात्मन्समारोपयते
api vā yajamāna evātmansamāropayate
- 11
या ते अग्ने यज्ञिया तनूस्तयेह्य् आरोहात्मात्मानम् अच्छा वसूनि कृण्वन्न् अस्मे नर्या पुरूणि
यज्ञो भूत्वा यज्ञम् आसीद स्वां योनिं जातवेदो भुव आजायमानः स क्षय एहीति हस्तं प्रताप्य मुखायाहरते
yā te agne yajñiyā tanūstayehy ārohātmātmānam acchā vasūni kṛṇvann asme naryā purūṇi
yajño bhūtvā yajñam āsīda svāṃ yoniṃ jātavedo bhuva ājāyamānaḥ sa kṣaya ehīti hastaṃ pratāpya mukhāyāharate
- 12
वास उपावरोह जातवेदः पुनस्त्वं देवेभ्यो हव्यं वह नः प्रजानन्
आयुः प्रजां रयिम् अस्मासु धेह्य् अजस्रो दीदिहि नो दुरोण इति लौकिके ऽग्नाव् उपावरोहयति
vāsa upāvaroha jātavedaḥ punastvaṃ devebhyo havyaṃ vaha naḥ prajānan
āyuḥ prajāṃ rayim asmāsu dhehy ajasro dīdihi no duroṇa iti laukike 'gnāv upāvarohayati
- 13
अरण्योर्वोपावरोह्य मन्थेत्
araṇyorvopāvarohya manthet
- 14
यद् अरण्योः समारूढः स्यान्निर्वर्तमान एतं मन्त्रं जपेत्
yad araṇyoḥ samārūḍhaḥ syānnirvartamāna etaṃ mantraṃ japet

