15 shlokas
- 1
परिसमूहनेनाग्नीन् अलंकुर्वन्ति
parisamūhanenāgnīn alaṃkurvanti
- 2
पुरस्ताद् अलंकाराः सायम् उपरिष्टाद् अलंकाराः प्रातः
purastād alaṃkārāḥ sāyam upariṣṭād alaṃkārāḥ prātaḥ
- 3
एतद्वा विपरीतम्
उभयतो ऽलंकाराः सायं तथा प्रातर् इत्य् एके
etadvā viparītam
ubhayato 'laṃkārāḥ sāyaṃ tathā prātar ity eke
- 4
अग्ने गृहपते शुन्धस्वेति गार्हपत्यम् अग्ने वह्ने शुन्धस्वेति दक्षिणाग्निम् अग्ने सम्राट्शुन्धस्वेत्य् आहवनीयम् अग्ने सभ्य शुन्धस्वेति सभ्यम् अग्ने परिषद्य शुन्धस्वेत्य् आवसथ्यम्
agne gṛhapate śundhasveti gārhapatyam agne vahne śundhasveti dakṣiṇāgnim agne samrāṭśundhasvety āhavanīyam agne sabhya śundhasveti sabhyam agne pariṣadya śundhasvety āvasathyam
- 5
उदगग्रैः प्रागग्रैश्च दर्भैस्तृणैर्वाग्नीन्परिस्तृणात्य् अग्निम् अग्नी वा
udagagraiḥ prāgagraiśca darbhaistṛṇairvāgnīnparistṛṇāty agnim agnī vā
- 6
खादिरः स्रुवो वैकङ्कत्य् अग्निहोत्रहवणी बाहुमात्र्य् अरत्निमात्री वा
khādiraḥ sruvo vaikaṅkaty agnihotrahavaṇī bāhumātry aratnimātrī vā
- 7
प्रसृताकृतिर् आर्यकृताग्निहोत्रस्थाल्य् ऊर्ध्वकपालाचक्रवर्ता भवति
prasṛtākṛtir āryakṛtāgnihotrasthāly ūrdhvakapālācakravartā bhavati
- 8
दक्षिणेन विहारम् अग्निहोत्री तिष्ठति तां यजमानो ऽभिमन्त्रयत इडासि व्रतभृद् अहं नाव् उभयोर्व्रतं चरिष्यामि सुरोहिण्य् अहं नाव् उभयोर्व्रतं चरिष्यामीड एहि मयि श्रयस्वेर एह्य् अदित एहि गौर् एहि श्रद्ध एहि सत्येन त्वाह्वयामीति
dakṣiṇena vihāram agnihotrī tiṣṭhati tāṃ yajamāno 'bhimantrayata iḍāsi vratabhṛd ahaṃ nāv ubhayorvrataṃ cariṣyāmi surohiṇy ahaṃ nāv ubhayorvrataṃ cariṣyāmīḍa ehi mayi śrayasvera ehy adita ehi gaur ehi śraddha ehi satyena tvāhvayāmīti
- 9
अथ वेदिदेशम् अभिमृशतीयम् असि तस्यास्ते ऽग्निर्वत्सः सा मे स्वर्गं च लोकम् अमृतं च धुक्ष्वेति
atha vedideśam abhimṛśatīyam asi tasyāste 'gnirvatsaḥ sā me svargaṃ ca lokam amṛtaṃ ca dhukṣveti
- 10
पूषासीति दक्षिणतो वत्सम् उपसृज्य प्राचीम् आवृत्य दोग्ध्य् उदीचीं प्राचीम् उदीचीं वा
pūṣāsīti dakṣiṇato vatsam upasṛjya prācīm āvṛtya dogdhy udīcīṃ prācīm udīcīṃ vā
- 11
न शूद्रो दुह्यात्
na śūdro duhyāt
- 12
असतो वा एष सम्भूतो यच्छूद्रः
asato vā eṣa sambhūto yacchūdraḥ
- 13
दुह्याद्वा
duhyādvā
- 14
यद् एव गार्हपत्ये ऽधिश्रयति पवयत्य् एवैनत्
yad eva gārhapatye 'dhiśrayati pavayaty evainat
- 15
अग्निहोत्रस्थाल्या दोहनेन च दोग्धि
agnihotrasthālyā dohanena ca dogdhi

