9 shlokas
- 1
अग्नीन् उपसमाधाय धर्मो मा धर्मणः पातु विधर्मो मा विधर्मणः पात्व् आयुश्च प्रायुश्च चक्षुश्च विचक्षुश्च प्राङ्चावाङ्चोरुग उरुगस्य ते वाचा वयं सं भक्तेन गमेमहीत्य् उपस्थायाग्न आयूंषि पवस इत्य् आग्निपावमानीभ्यां गार्हपत्यम् उपतिष्ठते
agnīn upasamādhāya dharmo mā dharmaṇaḥ pātu vidharmo mā vidharmaṇaḥ pātv āyuśca prāyuśca cakṣuśca vicakṣuśca prāṅcāvāṅcoruga urugasya te vācā vayaṃ saṃ bhaktena gamemahīty upasthāyāgna āyūṃṣi pavasa ity āgnipāvamānībhyāṃ gārhapatyam upatiṣṭhate
- 2
अग्ने गृहपत इति च
पुत्रस्य नाम गृह्णाति ताम् आशिषम् आशासे तन्तव इत्य् अजातस्य
अमुष्मा इति जातस्य
agne gṛhapata iti ca
putrasya nāma gṛhṇāti tām āśiṣam āśāse tantava ity ajātasya
amuṣmā iti jātasya
- 3
यत्किंचाग्निहोत्री कामयेत तद् अग्नीन्याचेत
उपैनं तन्नमतीति विज्ञायते
yatkiṃcāgnihotrī kāmayeta tad agnīnyāceta
upainaṃ tannamatīti vijñāyate
- 4
उपस्थेयो ऽग्नी३र्नोपस्थेया३ इत्य् उक्तम्
upastheyo 'gnī3rnopastheyā3 ity uktam
- 5
नक्तम् उपतिष्ठते न प्रातः
naktam upatiṣṭhate na prātaḥ
- 6
न प्रातर् अग्निम् उप चनावरोहेन्न प्रातर् आहिताग्निश्चन मन्येतेति वाजसनेयकम्
na prātar agnim upa canāvarohenna prātar āhitāgniścana manyeteti vājasaneyakam
- 7
भूर्भुवः सुवः सुप्रजाः प्रजया भूयासं सुवीरो वीरैः सुवर्चा वर्चसा सुपोषः पोषैर् इत्य् एवोपतिष्ठेतेति वाजसनेयकम्
भर्तुं वः शकेयं श्रद्धा मे मा व्यागाद् इति वा
bhūrbhuvaḥ suvaḥ suprajāḥ prajayā bhūyāsaṃ suvīro vīraiḥ suvarcā varcasā supoṣaḥ poṣair ity evopatiṣṭheteti vājasaneyakam
bhartuṃ vaḥ śakeyaṃ śraddhā me mā vyāgād iti vā
- 8
वात्सप्रेणैव सायं प्रातर् उपतिष्ठेतेत्य् एके
vātsapreṇaiva sāyaṃ prātar upatiṣṭhetety eke
- 9
गोषूक्तेनाश्वसूक्तेन वा
goṣūktenāśvasūktena vā

