9 shlokas
- 1
देवस्य त्वा सवितुः प्रसव इति स्रुक्स्रुवम् आदाय प्रत्युष्टं रक्षः प्रत्युष्टा अरातय इत्य् आहवनीये गार्हपत्ये वा प्रतितप्यारिष्टो यजमानः पत्नी चेति संमृश्य हिरण्ययष्टिर् अस्य् अमृतपलाशा स्रोतो यज्ञानाम् इत्य् अग्निहोत्रहवणीम् अभिमन्त्र्योम् उन्नेष्यामि हव्यं देवेभ्यः पाप्मनो यजमानम् इति सायम् आह
ओम् उन्नयामीति प्रातः
devasya tvā savituḥ prasava iti sruksruvam ādāya pratyuṣṭaṃ rakṣaḥ pratyuṣṭā arātaya ity āhavanīye gārhapatye vā pratitapyāriṣṭo yajamānaḥ patnī ceti saṃmṛśya hiraṇyayaṣṭir asy amṛtapalāśā sroto yajñānām ity agnihotrahavaṇīm abhimantryom unneṣyāmi havyaṃ devebhyaḥ pāpmano yajamānam iti sāyam āha
om unnayāmīti prātaḥ
- 2
हविर्देवानाम् असि मृत्योर्मे ऽभयं स्वस्ति मे ऽस्त्व् अभयं मे अस्त्व् इत्य् उपांशूक्त्वोम् उन्नयेत्य् उच्चैर् अनुजानाति
अपचारे यजमानस्य स्वयम् आत्मानम् अनुजानीयात्
havirdevānām asi mṛtyorme 'bhayaṃ svasti me 'stv abhayaṃ me astv ity upāṃśūktvom unnayety uccair anujānāti
apacāre yajamānasya svayam ātmānam anujānīyāt
- 3
उन्नीयमान उभौ वाचं यच्छत आ होमात्
unnīyamāna ubhau vācaṃ yacchata ā homāt
- 4
न चाभिमीलते तिष्ठति च यजमानः
na cābhimīlate tiṣṭhati ca yajamānaḥ
- 5
उन्नीत उपविशति
unnīta upaviśati
- 6
चतुर् उन्नयति
catur unnayati
- 7
यं कामयेत पुत्राणाम् अयम् ऋध्नुयाद् इति तं प्रति पूर्णम् उन्नयेत्
yaṃ kāmayeta putrāṇām ayam ṛdhnuyād iti taṃ prati pūrṇam unnayet
- 8
यदि कामयेत ज्येष्ठतो ऽस्य प्रजार्धुका स्याद् इति पूर्णं प्रथमम् उन्नयेत्तत ऊनतरमूनतरम्
कनिष्ठत इत्य् एतद्विपरीतम्
सर्वे समावद्वीर्या इति समम्
yadi kāmayeta jyeṣṭhato 'sya prajārdhukā syād iti pūrṇaṃ prathamam unnayettata ūnataramūnataram
kaniṣṭhata ity etadviparītam
sarve samāvadvīryā iti samam
- 9
यथोपलम्भं नित्ये कल्प उन्नयति
yathopalambhaṃ nitye kalpa unnayati

