12 shlokas
- 1
पूर्वौ दुह्याज्ज्येष्ठस्य ज्यैष्ठिनेयस्य यो वा गतश्रीः स्यात्
अपरौ दुह्यात्कनिष्ठस्य कानिष्ठिनेयस्य यो वानुजावरो यो वा बुभूषेत्
pūrvau duhyājjyeṣṭhasya jyaiṣṭhineyasya yo vā gataśrīḥ syāt
aparau duhyātkaniṣṭhasya kāniṣṭhineyasya yo vānujāvaro yo vā bubhūṣet
- 2
न स्तनान्संमृशति
na stanānsaṃmṛśati
- 3
यथोपलम्भं नित्ये कल्पे दोग्धि
yathopalambhaṃ nitye kalpe dogdhi
- 4
पूर्ववद् उपसृष्टां दुह्यमानां धाराघोषं च यजमानो ऽनुमन्त्रयते
pūrvavad upasṛṣṭāṃ duhyamānāṃ dhārāghoṣaṃ ca yajamāno 'numantrayate
- 5
अस्तमिते दोग्धि
astamite dogdhi
- 6
अम्नर् अस्तमिते होतव्यम्
amnar astamite hotavyam
- 7
समुद्रो वा एष यद् अहोरात्रस्तस्यैते गाधे तीर्थे यत्संधी तस्मात्संधौ होतव्यम् इति शैलालिब्राह्मणं भवति
samudro vā eṣa yad ahorātrastasyaite gādhe tīrthe yatsaṃdhī tasmātsaṃdhau hotavyam iti śailālibrāhmaṇaṃ bhavati
- 8
नक्षत्रं दृष्ट्वा प्रदोषे निशायां वा सायम्
nakṣatraṃ dṛṣṭvā pradoṣe niśāyāṃ vā sāyam
- 9
उषस्य् उपोदयं समयाविषित उदिते वा प्रातः
uṣasy upodayaṃ samayāviṣita udite vā prātaḥ
- 10
यद् उदिते जुहोत्य् अग्निष्टोमं तेनावरुन्द्धे यन्मध्यंदिने जुहोत्य् उक्थ्यं तेनावरुन्द्धे यद् अपराह्णे जुहोति षोडशिनं तेनावरुन्द्धे यत्पूर्वरात्रे जुहोति प्रथमं तेन रात्रिपर्यायम् आप्नोति यन्मध्यरात्रे जुहोति मध्यमं तेन रात्रिपर्यायम् आप्नोति यद् अपररात्रे जुहोति जघन्यं तेन रात्रिपर्यायम् आप्नोति
yad udite juhoty agniṣṭomaṃ tenāvarunddhe yanmadhyaṃdine juhoty ukthyaṃ tenāvarunddhe yad aparāhṇe juhoti ṣoḍaśinaṃ tenāvarunddhe yatpūrvarātre juhoti prathamaṃ tena rātriparyāyam āpnoti yanmadhyarātre juhoti madhyamaṃ tena rātriparyāyam āpnoti yad apararātre juhoti jaghanyaṃ tena rātriparyāyam āpnoti
- 11
स न मन्येत सर्वेष्व् एतेषु कालेषु होतव्यम् आपदि हुतम् इत्य् एव प्रतीयाद् इति विज्ञायते
sa na manyeta sarveṣv eteṣu kāleṣu hotavyam āpadi hutam ity eva pratīyād iti vijñāyate
- 12
यो होमकालः सो ऽङ्गानाम्
yo homakālaḥ so 'ṅgānām

