12 shlokas
- 1
संपश्यामि प्रजा अहम् इति गृहान्प्रेक्षते
saṃpaśyāmi prajā aham iti gṛhānprekṣate
- 2
अम्भः स्थाम्भो वो भक्षीयेति गोष्ठम् उपतिष्ठते
ambhaḥ sthāmbho vo bhakṣīyeti goṣṭham upatiṣṭhate
- 3
रेवती रमध्वम् इत्य् अन्तराग्नी तिष्ठञ्जपति
revatī ramadhvam ity antarāgnī tiṣṭhañjapati
- 4
संहितासि विश्वरूपीर् इति वत्सम् अभिमृशति
saṃhitāsi viśvarūpīr iti vatsam abhimṛśati
- 5
संहितासि विश्वरूपेति वत्साम्
saṃhitāsi viśvarūpeti vatsām
- 6
भुवनम् असि सहस्रपोषं पुषेति वा वत्सम्
bhuvanam asi sahasrapoṣaṃ puṣeti vā vatsam
- 7
उप त्वाग्ने दिवे दिव इति तिसृभिर्गायत्रीभिर्गार्हपत्यम् उपतिष्ठते ऽग्ने त्वं नो अन्तम इति चतसृभिश्च द्विपदाभिः
upa tvāgne dive diva iti tisṛbhirgāyatrībhirgārhapatyam upatiṣṭhate 'gne tvaṃ no antama iti catasṛbhiśca dvipadābhiḥ
- 8
स नो बोधि श्रुधी हवम् उरुष्या णो अघायतः समस्माद् इत्य् एषा चतुर्थी भवति
sa no bodhi śrudhī havam uruṣyā ṇo aghāyataḥ samasmād ity eṣā caturthī bhavati
- 9
ऊर्जा वः पश्याम्य् ऊर्जा मा पश्यतेति गृहान्प्रेक्षते पशून्वा
ūrjā vaḥ paśyāmy ūrjā mā paśyateti gṛhānprekṣate paśūnvā
- 10
महि त्रीणाम् अवो ऽस्तु द्युक्षं मित्रस्यार्यम्णः
दुराधर्षं वरुणस्य
नहि तेषाम् अमा चन नाध्वसु वारणेष्व् आ
ईशे रिपुर् अघशंसः
ते हि पुत्रासो अदितेश्छर्दिर्यच्छन्त्य् अजस्रम्
वि दाशुषे वार्याणीति प्राजापत्येन तृचेनोपतिष्ठते
mahi trīṇām avo 'stu dyukṣaṃ mitrasyāryamṇaḥ
durādharṣaṃ varuṇasya
nahi teṣām amā cana nādhvasu vāraṇeṣv ā
īśe ripur aghaśaṃsaḥ
te hi putrāso aditeśchardiryacchanty ajasram
vi dāśuṣe vāryāṇīti prājāpatyena tṛcenopatiṣṭhate
- 11
यं कामयेत स्वस्ति पुनर् आगच्छेद् इति तम् एताभिर् अन्वीक्षेत
स्वस्त्य् एव पुनर् आगच्छतीत्य् अयज्ञसंयुक्तः कल्पः
yaṃ kāmayeta svasti punar āgacched iti tam etābhir anvīkṣeta
svasty eva punar āgacchatīty ayajñasaṃyuktaḥ kalpaḥ
- 12
मा नः शंसो अररुषो धूर्तिः प्रणङ्मर्त्यस्य
रक्षा णो ब्रह्मणस्पते
यो रेवान्यो अमीवहा वसुवित्पुष्टिवर्धनः
स नः सिषक्तु यस्तुरः
परि ते दूडभो रथो ऽस्माꣳ अश्नोतु विश्वतः
येन रक्षसि दाशुषः
mā naḥ śaṃso araruṣo dhūrtiḥ praṇaṅmartyasya
rakṣā ṇo brahmaṇaspate
yo revānyo amīvahā vasuvitpuṣṭivardhanaḥ
sa naḥ siṣaktu yasturaḥ
pari te dūḍabho ratho 'smām̐ aśnotu viśvataḥ
yena rakṣasi dāśuṣaḥ

