13 shlokas
- 1
अग्ने गृहपते परिषद्य जुषस्व स्वाहेति स्रुवेण गार्हपत्ये जुहोत्य् एकां द्वे तिस्रश्चतस्रो वा
agne gṛhapate pariṣadya juṣasva svāheti sruveṇa gārhapatye juhoty ekāṃ dve tisraścatasro vā
- 2
अग्नये गृहपतये रयिपतये पुष्टिपतये कामायान्नाद्याय स्वाहेत्य् एताम् एके समामनन्ति
agnaye gṛhapataye rayipataye puṣṭipataye kāmāyānnādyāya svāhety etām eke samāmananti
- 3
समभ्युच्चयवद् एके
samabhyuccayavad eke
- 4
अग्ने ऽदाभ्य परिषद्य जुषस्व स्वाहेति स्रुवेणान्वाहार्यपचने जुहोत्य् एकां द्वे तिस्रश्चतस्रो वा
agne 'dābhya pariṣadya juṣasva svāheti sruveṇānvāhāryapacane juhoty ekāṃ dve tisraścatasro vā
- 5
अन्नपते अन्नस्य नो देहीति द्वितीयाम्
annapate annasya no dehīti dvitīyām
- 6
अप्राश्य वापरयोर्जुहुयात्
aprāśya vāparayorjuhuyāt
- 7
आहवनीये होमो नापरयोः
āhavanīye homo nāparayoḥ
- 8
यद् आहवनीये हुत्वापरयोर्जुहुयाद्यथा स्वर्गाल्लोकात्प्रत्यवरोहेत्तादृक्तद् इति विज्ञायते
yad āhavanīye hutvāparayorjuhuyādyathā svargāllokātpratyavarohettādṛktad iti vijñāyate
- 9
सर्वे वा एते होमार्था आधीयन्ते
दश सम्पद्यन्ते
दशाक्षरा विराड्विराजा यज्ञः संमित इति बह्वृचब्राह्मणं भवति
sarve vā ete homārthā ādhīyante
daśa sampadyante
daśākṣarā virāḍvirājā yajñaḥ saṃmita iti bahvṛcabrāhmaṇaṃ bhavati
- 10
दीदिहि दीदिदासि दीदायेत्य् एषो ऽग्न्युपसमिन्धन आम्नातः
dīdihi dīdidāsi dīdāyety eṣo 'gnyupasamindhana āmnātaḥ
- 11
दीदिहि दीदिदासि दीदाय दीद्यासं दीद्यस्वेति वा प्रतिमन्त्रम्
dīdihi dīdidāsi dīdāya dīdyāsaṃ dīdyasveti vā pratimantram
- 12
यथाहितास्तेनानुपूर्व्येणाहवनीयाद्वा प्रक्रम्य
yathāhitāstenānupūrvyeṇāhavanīyādvā prakramya
- 13
अन्तर्वेद्य् अपो निनीय
antarvedy apo ninīya

