9 shlokas
- 1
प्रवत्स्यन्संप्रेष्यत्य् अग्नीन्समाधेहीति
pravatsyansaṃpreṣyaty agnīnsamādhehīti
- 2
ज्वलत उपतिष्ठते
jvalata upatiṣṭhate
- 3
पशून्नः शंस्य पाहि तान्नो गोपायास्माकं पुनरागमाद् इत्य् आहवनीयम्
प्रजां नो नर्य पाहि तां नो गोपायास्माकं पुनरागमाद् इति गार्हपत्यम्
अन्नं नो बुध्न्य पाहि तन्नो गोपायास्माकं पुनरागमाद् इत्य् अन्वाहार्यपचनम्
paśūnnaḥ śaṃsya pāhi tānno gopāyāsmākaṃ punarāgamād ity āhavanīyam
prajāṃ no narya pāhi tāṃ no gopāyāsmākaṃ punarāgamād iti gārhapatyam
annaṃ no budhnya pāhi tanno gopāyāsmākaṃ punarāgamād ity anvāhāryapacanam
- 4
अन्तराग्नी तिष्ठञ्जपतीमान्नो मित्रावरुणा गृहान्गोपायतं युवम्
अविनष्टान् अविहृतान्पूषैनान् अभिरक्षत्व् आस्माकं पुनरागमाद् इति
antarāgnī tiṣṭhañjapatīmānno mitrāvaruṇā gṛhāngopāyataṃ yuvam
avinaṣṭān avihṛtānpūṣainān abhirakṣatv āsmākaṃ punarāgamād iti
- 5
पूर्ववद्विराट्क्रमैर् उपस्थायाशित्वा प्रवसथम् एष्यन्न् आहाग्नीन्समाधेहीति
pūrvavadvirāṭkramair upasthāyāśitvā pravasatham eṣyann āhāgnīnsamādhehīti
- 6
ज्वलत उपतिष्ठते प्रजां मे नर्य पाहि तां मे गोपायास्माकं पुनरागमाद् इति गार्हपत्यम्
अन्नं मे बुध्न्य पाहि तन्मे गोपायास्माकं पुनरागमाद् इत्य् अन्वाहार्यपचनम्
पशून्मे शंस्य पाहि तान्मे गोपायास्माकं पुनरागमाद् इत्य् आहवनीयम्
jvalata upatiṣṭhate prajāṃ me narya pāhi tāṃ me gopāyāsmākaṃ punarāgamād iti gārhapatyam
annaṃ me budhnya pāhi tanme gopāyāsmākaṃ punarāgamād ity anvāhāryapacanam
paśūnme śaṃsya pāhi tānme gopāyāsmākaṃ punarāgamād ity āhavanīyam
- 7
मम नाम प्रथमं जातवेद इति च
mama nāma prathamaṃ jātaveda iti ca
- 8
वाग्यतो ऽभिप्रव्रजति मा प्रगाम पथो वयं मा यज्ञाद् इन्द्र सोमिनः
मान्तःस्थुर्नो अरातयः
उद् अस्माꣳ उत्तरान्नयाग्ने घृतेनाहुत
रायस्पोषेण संसृज प्रजया च बहून्कृधीति
vāgyato 'bhipravrajati mā pragāma patho vayaṃ mā yajñād indra sominaḥ
māntaḥsthurno arātayaḥ
ud asmām̐ uttarānnayāgne ghṛtenāhuta
rāyaspoṣeṇa saṃsṛja prajayā ca bahūnkṛdhīti
- 9
आराद् अग्निभ्यो वाचं विसृजते
ārād agnibhyo vācaṃ visṛjate

