8 shlokas
- 1
प्रजां नो नर्याजूगुपस्तां नः पुनर्देहीति गार्हपत्यम् अभिप्राण्याग्ने गृहपते सुगृहपतिर् अहं त्वया गृहपतिना भूयासं सुगृहपतिर्मया त्वं गृहपतिना भूयाः
शतं हिमा द्वा यू राधांसीत्संपृञ्चानाव् असंपृञ्चानौ तन्व इति गार्हपत्यम्
prajāṃ no naryājūgupastāṃ naḥ punardehīti gārhapatyam abhiprāṇyāgne gṛhapate sugṛhapatir ahaṃ tvayā gṛhapatinā bhūyāsaṃ sugṛhapatirmayā tvaṃ gṛhapatinā bhūyāḥ
śataṃ himā dvā yū rādhāṃsītsaṃpṛñcānāv asaṃpṛñcānau tanva iti gārhapatyam
- 2
अन्नं नो बुध्न्याजूगुपस्तन्नः पुनर्देहीत्य् अन्वाहार्यपचनम् अभिप्राण्यान्तराग्नी तिष्ठञ्जपति यथा प्रवत्स्यदुपस्थाने
annaṃ no budhnyājūgupastannaḥ punardehīty anvāhāryapacanam abhiprāṇyāntarāgnī tiṣṭhañjapati yathā pravatsyadupasthāne
- 3
अजूगुपतम् अभ्यराक्षीद् इति मन्त्रं संनमति
ajūgupatam abhyarākṣīd iti mantraṃ saṃnamati
- 4
मम नाम तव च जातवेद इति चतसृभिर् आहवनीयम्
mama nāma tava ca jātaveda iti catasṛbhir āhavanīyam
- 5
प्रजां मे नर्याजूगुपस्तां मे पुनर्देहीति गार्हपत्यम् अभ्यपान्यान्नं मे बुध्न्याजूगुपस्तन्मे पुनर्देहीत्य् अन्वाहार्यपचनम् अभ्यपान्य पशून्मे शंस्याजूगुपस्तान्मे पुनर्देहीत्य् आहवनीयम् अभ्यपान्य पूर्ववद्विराट्क्रमैर् उपतिष्ठते
अजूगुप इति मन्त्रं संनमति
prajāṃ me naryājūgupastāṃ me punardehīti gārhapatyam abhyapānyānnaṃ me budhnyājūgupastanme punardehīty anvāhāryapacanam abhyapānya paśūnme śaṃsyājūgupastānme punardehīty āhavanīyam abhyapānya pūrvavadvirāṭkramair upatiṣṭhate
ajūgupa iti mantraṃ saṃnamati
- 6
अग्न्युपस्थानवद् अत्र समिधो दिशां चोपस्थानम्
agnyupasthānavad atra samidho diśāṃ copasthānam
- 7
नवमीं चेद् अति प्रवसेन्मित्रो जनान्यातयति प्रजानन्न् इति मैत्र्योपस्थाय मनो ज्योतिर्जुषताम् इत्य् आहुतिं जुहुयात्
navamīṃ ced ati pravasenmitro janānyātayati prajānann iti maitryopasthāya mano jyotirjuṣatām ity āhutiṃ juhuyāt
- 8
समिध आहुतिम् उपस्थानम् इत्य् एवम् अनुपूर्वाण्य् एके समामनन्ति
samidha āhutim upasthānam ity evam anupūrvāṇy eke samāmananti

