12 shlokas
- 1
अग्न्युपस्थानं व्याख्यास्यामः
agnyupasthānaṃ vyākhyāsyāmaḥ
- 2
उपतिष्ठत इति चोद्यमान आहवनीयम् एवोपतिष्ठेत
वचनाद् अन्यम्
upatiṣṭhata iti codyamāna āhavanīyam evopatiṣṭheta
vacanād anyam
- 3
उत्तराम् आहुतिम् उपोत्थाय कवातिर्यङ्ङ् इवोपतिष्ठेत
uttarām āhutim upotthāya kavātiryaṅṅ ivopatiṣṭheta
- 4
उपप्रयन्तो अध्वरम् इति षड्भिः
upaprayanto adhvaram iti ṣaḍbhiḥ
- 5
अग्नीषोमाव् इमं सु म इति सप्तम्या पूर्वपक्षे
ऐन्द्राग्न्या सप्तम्यापरपक्षे
agnīṣomāv imaṃ su ma iti saptamyā pūrvapakṣe
aindrāgnyā saptamyāparapakṣe
- 6
दधिक्राव्णो अकारिषम् इत्य् उभयत्राष्टम्या
dadhikrāvṇo akāriṣam ity ubhayatrāṣṭamyā
- 7
ममाग्ने वर्चो विहवेष्व् अस्त्व् इति चतस्रः पुरस्ताद् अग्नीषोमीयायाः पूर्वपक्षे
तथैन्द्राग्न्या अपरपक्षे
mamāgne varco vihaveṣv astv iti catasraḥ purastād agnīṣomīyāyāḥ pūrvapakṣe
tathaindrāgnyā aparapakṣe
- 8
अग्न आयूंषि पवस इति षड्भिः संवत्सरे संवत्सरे सदा वा
agna āyūṃṣi pavasa iti ṣaḍbhiḥ saṃvatsare saṃvatsare sadā vā
- 9
पवमानहवींषि वा संवत्सरे संवत्सरे निर्वपेद् एतासां स्थाने
pavamānahavīṃṣi vā saṃvatsare saṃvatsare nirvaped etāsāṃ sthāne
- 10
आयुर्दा अग्न इति सिद्धम् आ चित्रावसोः
āyurdā agna iti siddham ā citrāvasoḥ
- 11
त्रिश्चित्रावसुना सायम् उपतिष्ठते
त्रिर् अर्वाग्वसुना प्रातर् अर्वाग्वसो स्वस्ति ते पारम् अशीय
triścitrāvasunā sāyam upatiṣṭhate
trir arvāgvasunā prātar arvāgvaso svasti te pāram aśīya
- 12
इन्धानास्त्वा शतं हिमा इत्य् उपस्थायेन्धानास्त्वा शतं हिमाः
अग्नेः समिद् अस्य् अभिशस्त्या मा पाहि सोमस्य समिद् असि परस्पा म एधि यमस्य समिद् असि मृत्योर्मा पाहीति चतस्रः समिध एकैकस्मिन्न् आधाय सं त्वम् अग्ने सूर्यस्य वर्चसागथा इत्य् अनुवाकशेषेणोपस्थाय वयं सोम व्रते तव मनस्तनूषु बिभ्रतः प्रजावन्तो अशीमहीति मुखं विमृष्टे
indhānāstvā śataṃ himā ity upasthāyendhānāstvā śataṃ himāḥ
agneḥ samid asy abhiśastyā mā pāhi somasya samid asi paraspā ma edhi yamasya samid asi mṛtyormā pāhīti catasraḥ samidha ekaikasminn ādhāya saṃ tvam agne sūryasya varcasāgathā ity anuvākaśeṣeṇopasthāya vayaṃ soma vrate tava manastanūṣu bibhrataḥ prajāvanto aśīmahīti mukhaṃ vimṛṣṭe

