7 shlokas
- 1
पत्नीवद् अस्याग्निहोत्रं भवति
patnīvad asyāgnihotraṃ bhavati
- 2
स्व आयतने पत्न्य् उपविशति
sva āyatane patny upaviśati
- 3
अपरेणाहवनीयं दक्षिणातिक्रम्योपविश्य यजमानो विद्युद् असि विद्य मे पाप्मानम् ऋतात्सत्यम् उपैमि मयि श्रद्धेत्य् अप आचामति
apareṇāhavanīyaṃ dakṣiṇātikramyopaviśya yajamāno vidyud asi vidya me pāpmānam ṛtātsatyam upaimi mayi śraddhety apa ācāmati
- 4
ऋतं त्वा सत्येन परिषिञ्चामीति सायं परिषिञ्चति
सत्यं त्वर्तेन परिषिञ्चामीति प्रातः
आहवनीयम् अग्रे ऽथ गार्हपत्यम् अथ दक्षिणाग्निम् अपि वा गार्हपत्यम् आहवनीयं दक्षिणाग्निं यथा वाहिताः
ṛtaṃ tvā satyena pariṣiñcāmīti sāyaṃ pariṣiñcati
satyaṃ tvartena pariṣiñcāmīti prātaḥ
āhavanīyam agre 'tha gārhapatyam atha dakṣiṇāgnim api vā gārhapatyam āhavanīyaṃ dakṣiṇāgniṃ yathā vāhitāḥ
- 5
यज्ञस्य संततिर् असि यज्ञस्य त्वा संततिम् अनुसंतनोमीति गार्हपत्यात्प्रक्रम्य संतताम् उदकधारां स्रावयत्य् आहवनीयात्
yajñasya saṃtatir asi yajñasya tvā saṃtatim anusaṃtanomīti gārhapatyātprakramya saṃtatām udakadhārāṃ srāvayaty āhavanīyāt
- 6
धृष्टिर् असि ब्रह्म यच्छेत्य् उपवेषम् आदाय भूतकृत स्थापोढं जन्यं भयम् अपोढाः सेना अभीत्वरीर् इति गार्हपत्याद् उदीचो ऽङ्गारान्निरूह्य व्यन्तान्गार्हपत्येन कृत्वा सगरा स्थेत्य् अभिमन्त्र्य जपत्य् अग्नय आदित्यं गृह्णाम्य् अह्ने रात्रिम् इति सायम्
आदित्यायाग्निं गृह्णामि रात्र्या अहर् इति प्रातः
dhṛṣṭir asi brahma yacchety upaveṣam ādāya bhūtakṛta sthāpoḍhaṃ janyaṃ bhayam apoḍhāḥ senā abhītvarīr iti gārhapatyād udīco 'ṅgārānnirūhya vyantāngārhapatyena kṛtvā sagarā sthety abhimantrya japaty agnaya ādityaṃ gṛhṇāmy ahne rātrim iti sāyam
ādityāyāgniṃ gṛhṇāmi rātryā ahar iti prātaḥ
- 7
इडायाः पदं घृतवच्चराचरं जातवेदो हविर् इदं जुषस्व
ये ग्राम्याः पशवो विश्वरूपा विरूपास्तेषां सप्तानाम् इह रन्तिर् अस्तु
रायस्पोषाय सुप्रजास्त्वाय सुवीर्यायेति तेष्व् अग्निहोत्रम् अधिश्रयति
iḍāyāḥ padaṃ ghṛtavaccarācaraṃ jātavedo havir idaṃ juṣasva
ye grāmyāḥ paśavo viśvarūpā virūpāsteṣāṃ saptānām iha rantir astu
rāyaspoṣāya suprajāstvāya suvīryāyeti teṣv agnihotram adhiśrayati

