3 shlokas
- 1
अन्यदा सा चलिता
शुकः प्राह
याहि देवि न ते दोषो यदि जानासि भाषितुम्
रत्नादेवीव पत्या तु प्राप्ता जारद्वयान्विता
anyadā sā calitā
śukaḥ prāha
yāhi devi na te doṣo yadi jānāsi bhāṣitum
ratnādevīva patyā tu prāptā jāradvayānvitā
- 2
अस्ति जलौदाभिधानो ग्रामः
तत्र राजपुत्रः क्षेमराजः शूरः
रत्नादेवी तस्य भार्या
तत्रैव ग्रामणीर्देवसाख्यः
तस्य सुतो धवलो नाम
तौ द्वावपि रमेते रत्नादेवीं परस्परमज्ञातौ
अन्यदा पितृपुत्रौ तद्गृहस्थौ यदा तदा राजपुत्रः समागतः
तदा किमुत्तरम्शुक आह ततस्तया कृतसंज्ञो गृहादङ्गुल्या तर्जयन्नयात्
तस्मिंश्चैव गच्छति भयात्पतिः किमिदमित्याह
ततः सा हसन्ती प्राह अस्य पुत्रस्त्वद्गृहे शरणागतः
मया च नार्पितः
यतः
स क्षत्रियस्त्राणसहः सतां यस्तत्कार्मुकं कर्मसु यस्य शक्तिः
वहन्द्वयीमप्यफले ऽर्थजाते करोत्यसंस्कारहतामिवोक्तिम्
asti jalaudābhidhāno grāmaḥ
tatra rājaputraḥ kṣemarājaḥ śūraḥ
ratnādevī tasya bhāryā
tatraiva grāmaṇīrdevasākhyaḥ
tasya suto dhavalo nāma
tau dvāvapi ramete ratnādevīṃ parasparamajñātau
anyadā pitṛputrau tadgṛhasthau yadā tadā rājaputraḥ samāgataḥ
tadā kimuttaramśuka āha tatastayā kṛtasaṃjño gṛhādaṅgulyā tarjayannayāt
tasmiṃścaiva gacchati bhayātpatiḥ kimidamityāha
tataḥ sā hasantī prāha asya putrastvadgṛhe śaraṇāgataḥ
mayā ca nārpitaḥ
yataḥ
sa kṣatriyastrāṇasahaḥ satāṃ yastatkārmukaṃ karmasu yasya śaktiḥ
vahandvayīmapyaphale 'rthajāte karotyasaṃskārahatāmivoktim
- 3
अतो रुष्टो व्रजति
गच्छ त्वं समर्पय सुतम्
तेन च तथा कृतम्
इति कथां श्रुत्वा प्रभावती सुप्ता
ato ruṣṭo vrajati
gaccha tvaṃ samarpaya sutam
tena ca tathā kṛtam
iti kathāṃ śrutvā prabhāvatī suptā

