3 shlokas
- 1
पुनः प्रभावत्या पृष्टः शुकः प्राह
punaḥ prabhāvatyā pṛṣṭaḥ śukaḥ prāha
- 2
याहि देवि पुनर्याहि मदीयं मतमीदृशम्
यदि वेत्स्युत्तरं किंचिद्यथा माढुकया कृतम्
yāhi devi punaryāhi madīyaṃ matamīdṛśam
yadi vetsyuttaraṃ kiṃcidyathā māḍhukayā kṛtam
- 3
तच्छ्रुत्वा प्रभावत्याह कथमेतत्
शुकः प्राह दाम्भिलाग्रामे सोढाको नाम कर्षुकः
तद्भार्या माढुका नाम
तां च भक्तहारिणीं पथि गच्छन्तीम् एको बहिः सूरपालाख्यो नरो भुङ्क्ते
सा कदाचिन्मार्गे भक्तं मुक्त्वा तेन सह स्थिता
ततो मूलदेवेन धूर्तेन तस्मिन्भक्ते उष्ट्रिका कृता
तया च एवं जातं भक्तम् अनुत्पाटयित्वा नीनम्
यावच्च भर्त्रा उष्ट्रिका दृष्टा तावत्किमिदमिति सा पृष्टा
ततस्तया तत्कालोत्तरं कृत्वोक्तं नाथ अद्य रात्रौ स्वप्ने उष्ट्रिकया भक्षितो दृष्टस्त्वम्
ततो मया विघ्नापहाराय विपरीतमिदं कृतम्
विश्रब्धं भक्षय यथा विघ्नो नश्यति
इति श्रुत्वा रतात्मना तेनोष्ट्रिकापि भक्षिता
इति कथां श्रुत्वा प्रभावती सुप्ता
tacchrutvā prabhāvatyāha kathametat
śukaḥ prāha dāmbhilāgrāme soḍhāko nāma karṣukaḥ
tadbhāryā māḍhukā nāma
tāṃ ca bhaktahāriṇīṃ pathi gacchantīm eko bahiḥ sūrapālākhyo naro bhuṅkte
sā kadācinmārge bhaktaṃ muktvā tena saha sthitā
tato mūladevena dhūrtena tasminbhakte uṣṭrikā kṛtā
tayā ca evaṃ jātaṃ bhaktam anutpāṭayitvā nīnam
yāvacca bhartrā uṣṭrikā dṛṣṭā tāvatkimidamiti sā pṛṣṭā
tatastayā tatkālottaraṃ kṛtvoktaṃ nātha adya rātrau svapne uṣṭrikayā bhakṣito dṛṣṭastvam
tato mayā vighnāpahārāya viparītamidaṃ kṛtam
viśrabdhaṃ bhakṣaya yathā vighno naśyati
iti śrutvā ratātmanā tenoṣṭrikāpi bhakṣitā
iti kathāṃ śrutvā prabhāvatī suptā

