2 shlokas
- 1
अन्यदा सा चलिता शुकं प्राह शुकाहं नरान्तरं गमिष्यामि
शुकः प्राह सत्यमेव त्वयाभाणि कर्तव्यं यन्मनोऽनुगम्
मनस्तु मुग्धिका यद्वदशक्यान्खेदयत्यलम्
anyadā sā calitā śukaṃ prāha śukāhaṃ narāntaraṃ gamiṣyāmi
śukaḥ prāha satyameva tvayābhāṇi kartavyaṃ yanmano'nugam
manastu mugdhikā yadvadaśakyānkhedayatyalam
- 2
तच्छ्रुत्वा प्रभावत्याह कथमेतत्
सो ऽब्रवीत् अस्ति विदिशा नाम पुरी
तस्यां जनवल्लभो नाम वणिक्
तस्य भार्या मुग्धिका नाम चपला स्वैरिणी
यदा च तयातिशयेन विदूषितो ऽयं तदा बन्धूनां कथयामास यदियं बहिःशायिनी
यदा च तैरेवमुक्ता तदा तयाप्युक्तम् अयमेव बहिःशायी सदैव
मां मुधापवादयति
ततस्तैर्मिलित्वा निर्बन्धः कृतः यः को ऽपि अद्यप्रभृति बहिःशायी सो ऽपराधी
एवं निर्बन्धे कृते ऽपि सा सुप्तं पतिं विहाय बहिर्गता
तस्यां च बहिर्गतायां स पतिर्द्वारं गत्वा सुप्तः
यदा च बहिः क्रीडां कृत्वा समागतायाः स पतिर्द्वारं नोद्घाटयति तदा सा कूपे दृषदं क्षिप्त्वा द्वारदेश एव स्थिता
पतिरपि कूपे पतिता भविष्यतीति ज्ञात्वा द्वारमुद्घाट्यबहिर्निर्गतः
तदा सा द्वारं पिधाय मध्ये स्थिता
सो ऽपि च बहिः स्थितो हा प्रिये एवं वदन्महता शब्देन गोदितुम् आरब्धः
सापि विगोपकभयाद्बहिर्निर्गत्य पतिं मध्ये निनाय
ततस्तन्मिथुनं परस्परं निर्बन्धं चकार
यदद्यप्रभृति मया त्वया विसंवादो न विधेयः
इति कथां श्रुत्वा प्रभावती सुप्ता
tacchrutvā prabhāvatyāha kathametat
so 'bravīt asti vidiśā nāma purī
tasyāṃ janavallabho nāma vaṇik
tasya bhāryā mugdhikā nāma capalā svairiṇī
yadā ca tayātiśayena vidūṣito 'yaṃ tadā bandhūnāṃ kathayāmāsa yadiyaṃ bahiḥśāyinī
yadā ca tairevamuktā tadā tayāpyuktam ayameva bahiḥśāyī sadaiva
māṃ mudhāpavādayati
tatastairmilitvā nirbandhaḥ kṛtaḥ yaḥ ko 'pi adyaprabhṛti bahiḥśāyī so 'parādhī
evaṃ nirbandhe kṛte 'pi sā suptaṃ patiṃ vihāya bahirgatā
tasyāṃ ca bahirgatāyāṃ sa patirdvāraṃ gatvā suptaḥ
yadā ca bahiḥ krīḍāṃ kṛtvā samāgatāyāḥ sa patirdvāraṃ nodghāṭayati tadā sā kūpe dṛṣadaṃ kṣiptvā dvāradeśa eva sthitā
patirapi kūpe patitā bhaviṣyatīti jñātvā dvāramudghāṭyabahirnirgataḥ
tadā sā dvāraṃ pidhāya madhye sthitā
so 'pi ca bahiḥ sthito hā priye evaṃ vadanmahatā śabdena goditum ārabdhaḥ
sāpi vigopakabhayādbahirnirgatya patiṃ madhye nināya
tatastanmithunaṃ parasparaṃ nirbandhaṃ cakāra
yadadyaprabhṛti mayā tvayā visaṃvādo na vidheyaḥ
iti kathāṃ śrutvā prabhāvatī suptā

