12 shlokas
- 1
अध्वर्युर्यज्ञोपवीती दक्षिणं जान्व् आच्य मेक्षणेन स्थालीपाकस्योपहत्याभिघार्य जुहोति सोमाय पितृपीताय स्वधा नम इति प्रथमाम्
adhvaryuryajñopavītī dakṣiṇaṃ jānv ācya mekṣaṇena sthālīpākasyopahatyābhighārya juhoti somāya pitṛpītāya svadhā nama iti prathamām
- 2
यमायाङ्गिरस्वते पितृमते स्वधा नम इति द्वितीयाम्
yamāyāṅgirasvate pitṛmate svadhā nama iti dvitīyām
- 3
ये मेक्षणे तण्डुलास्तान् अग्नये कव्यवाहनाय स्विष्टकृते स्वधा नम इति तृतीयाम्
ye mekṣaṇe taṇḍulāstān agnaye kavyavāhanāya sviṣṭakṛte svadhā nama iti tṛtīyām
- 4
तूष्णीं मेक्षणम् आदधाति
tūṣṇīṃ mekṣaṇam ādadhāti
- 5
दक्षिणाग्नेर् एकोल्मुकं निरूहति
ये रूपाणि प्रतिमुञ्चमाना असुराः सन्तः स्वधया चरन्ति
परापुरो निपुरो ये हरन्त्य् अग्निष्टांल्लोकात्प्रणुदात्व् अस्माद् इति
dakṣiṇāgner ekolmukaṃ nirūhati
ye rūpāṇi pratimuñcamānā asurāḥ santaḥ svadhayā caranti
parāpuro nipuro ye haranty agniṣṭāṃllokātpraṇudātv asmād iti
- 6
यजमानः सव्यं जान्व् आच्य प्राचीनावीती त्रीन् उदकाञ्जलीन् एकस्फ्यायाम् उपनिनयत्य् असाव् अवनेनिङ्क्ष्वेति पितरम् असाव् अवनेनिक्ष्वेति पितामहम् असाव् अवनेनिङ्क्ष्वेति प्रपितामहम्
yajamānaḥ savyaṃ jānv ācya prācīnāvītī trīn udakāñjalīn ekasphyāyām upaninayaty asāv avaneniṅkṣveti pitaram asāv avanenikṣveti pitāmaham asāv avaneniṅkṣveti prapitāmaham
- 7
अत्रैव नामादेशम् अवाचीनपाणिर्दक्षिणापवर्गांस्त्रीन्पिण्डान्निदधात्य् एतत्ते तत ये च त्वाम् अन्व् इत्य् एतैर्मन्त्रैः
atraiva nāmādeśam avācīnapāṇirdakṣiṇāpavargāṃstrīnpiṇḍānnidadhāty etatte tata ye ca tvām anv ity etairmantraiḥ
- 8
अथ यदि द्विपिता स्यात्प्रतिपूरुषं पिण्डान्दद्यात्
atha yadi dvipitā syātpratipūruṣaṃ piṇḍāndadyāt
- 9
अपि वैकैकस्मिन्पिण्डे द्वौ द्वाव् उपलक्षयेत्
api vaikaikasminpiṇḍe dvau dvāv upalakṣayet
- 10
अथ यदि जीवपिता स्यात्पितामहाय प्रपितामहाय च दद्यात्
atha yadi jīvapitā syātpitāmahāya prapitāmahāya ca dadyāt
- 11
न जीवन्तम् अतिददातीत्य् एकेषाम्
na jīvantam atidadātīty ekeṣām
- 12
होमान्तम् एव कुर्वीत
homāntam eva kurvīta

