13 shlokas
- 1
उत्तरतः शूर्पम् उपोहति वैणवम् ऐषीकं नलमयं वा वर्षवृद्धम् असीति
uttarataḥ śūrpam upohati vaiṇavam aiṣīkaṃ nalamayaṃ vā varṣavṛddham asīti
- 2
हविर् उद्वपति प्रति त्वा वर्षवृद्धं वेत्त्व् इति
havir udvapati prati tvā varṣavṛddhaṃ vettv iti
- 3
उत्करे परापुनाति परापूतं रक्षः परापूता अरातय इति
utkare parāpunāti parāpūtaṃ rakṣaḥ parāpūtā arātaya iti
- 4
अपहतं रक्ष इति तुषान्प्रतिहन्ति
apahataṃ rakṣa iti tuṣānpratihanti
- 5
मध्यमे पुरोडाशकपाले तुषान् ओप्याधस्तात्कृष्णाजिनस्योपवपति रक्षसां भागो ऽसीति
madhyame puroḍāśakapāle tuṣān opyādhastātkṛṣṇājinasyopavapati rakṣasāṃ bhāgo 'sīti
- 6
अप उपस्पृश्य विविनक्ति वायुर्वो वि विनक्त्व् इति
apa upaspṛśya vivinakti vāyurvo vi vinaktv iti
- 7
पात्र्यां तण्डुलान्प्रस्कन्दयति देवो वः सविता हिरण्यपाणिः प्रति गृह्णात्व् इति
pātryāṃ taṇḍulānpraskandayati devo vaḥ savitā hiraṇyapāṇiḥ prati gṛhṇātv iti
- 8
प्रस्कन्नान् अभिमृशति देवेभ्यः शुन्धध्वम् इति
praskannān abhimṛśati devebhyaḥ śundhadhvam iti
- 9
हविष्कृतं प्रेष्यति त्रिष्फलीकर्तवा इति
haviṣkṛtaṃ preṣyati triṣphalīkartavā iti
- 10
या यजमानस्य पत्नी साभ्युदेत्य् आवहन्त्य् अन्यो वा
yā yajamānasya patnī sābhyudety āvahanty anyo vā
- 11
त्रिः सुफलीकृतान्करोति
triḥ suphalīkṛtānkaroti
- 12
प्रज्ञातान्फलीकरणान्निधायोत्करे तण्डुलप्रक्षालनं निनयति
त्रिष्फलीक्रियमाणानां यो न्यङ्गो अवशिष्यते
रक्षसां भागधेयम् आपस्तत्प्रवहताद् इत इति
prajñātānphalīkaraṇānnidhāyotkare taṇḍulaprakṣālanaṃ ninayati
triṣphalīkriyamāṇānāṃ yo nyaṅgo avaśiṣyate
rakṣasāṃ bhāgadheyam āpastatpravahatād ita iti
- 13
तथैव कृष्णाजिनम् आदायावधूनोति
tathaiva kṛṣṇājinam ādāyāvadhūnoti

