12 shlokas
- 1
अथैनानि पवित्राभ्याम् उत्पुनाति देवो वः सवितोत्पुनात्व् इति पच्छो गायत्र्या
athaināni pavitrābhyām utpunāti devo vaḥ savitotpunātv iti paccho gāyatryā
- 2
प्रणीताभिर्हवींषि संयौति
praṇītābhirhavīṃṣi saṃyauti
- 3
अन्या वा यजुषोत्पूय
anyā vā yajuṣotpūya
- 4
स्रुवेण प्रणीताभ्य आदाय वेदेनोपयम्याहरति
sruveṇa praṇītābhya ādāya vedenopayamyāharati
- 5
सम् आपो अद्भिर् अग्मतेति पिष्टेष्व् आनयति
sam āpo adbhir agmateti piṣṭeṣv ānayati
- 6
अद्भ्यः परि प्रजाता स्थ सम् अद्भिः पृच्यध्वम् इति तप्ताभिः प्रदक्षिणं पर्याप्लावयति
adbhyaḥ pari prajātā stha sam adbhiḥ pṛcyadhvam iti taptābhiḥ pradakṣiṇaṃ paryāplāvayati
- 7
जनयत्यै त्वा सं यौमीति संयुत्य विभजते यथाभागं व्यावर्तेथाम् इति यतः पुनर्न संहरिष्यन्भवति
janayatyai tvā saṃ yaumīti saṃyutya vibhajate yathābhāgaṃ vyāvartethām iti yataḥ punarna saṃhariṣyanbhavati
- 8
अथाभिमृशत्य् अग्नये त्वेति दक्षिणं पिण्डम् अग्निषोमाभ्यां त्वेत्य् उत्तरं पौर्णमास्याम् इन्द्राग्निभ्याम् इत्य् अमावास्यायाम् असंनयतः
athābhimṛśaty agnaye tveti dakṣiṇaṃ piṇḍam agniṣomābhyāṃ tvety uttaraṃ paurṇamāsyām indrāgnibhyām ity amāvāsyāyām asaṃnayataḥ
- 9
इदम् अहं सेनाया अभीत्वर्यै मुखम् अपोहामीति वेदेन कपालेभ्यो ऽङ्गारान् अपोह्य मखस्य शिरो ऽसीति दक्षिणं पिण्डम् आदाय दक्षिणे कपालयोगे ऽधिश्रयति घर्मो ऽसि विश्वायुर् इति
idam ahaṃ senāyā abhītvaryai mukham apohāmīti vedena kapālebhyo 'ṅgārān apohya makhasya śiro 'sīti dakṣiṇaṃ piṇḍam ādāya dakṣiṇe kapālayoge 'dhiśrayati gharmo 'si viśvāyur iti
- 10
एवम् एवोत्तरं पिण्डम् आदायोत्तरे कपालयोगे ऽधिश्रयति
evam evottaraṃ piṇḍam ādāyottare kapālayoge 'dhiśrayati
- 11
एवम् अनुपूर्वाण्य् एवैष्वत ऊर्ध्वं कर्माणि क्रियन्ते
evam anupūrvāṇy evaiṣvata ūrdhvaṃ karmāṇi kriyante
- 12
अत्राज्यं निर्वपति
उपरितरां वा
atrājyaṃ nirvapati
uparitarāṃ vā

