7 shlokas
- 1
श्वो भूते ऽग्नीन्परिस्तीर्य यथा पुरस्तात्कर्मणे वां देवेभ्यः शकेयम् इति हस्ताव् अवनिज्य पात्राणि प्रक्षाल्य द्वन्द्वं प्रयुनक्ति दशापराणि दश पूर्वाणि
śvo bhūte 'gnīnparistīrya yathā purastātkarmaṇe vāṃ devebhyaḥ śakeyam iti hastāv avanijya pātrāṇi prakṣālya dvandvaṃ prayunakti daśāparāṇi daśa pūrvāṇi
- 2
स्फ्यं च कपालानि चाग्निहोत्रहवणीं च शूर्पं च कृष्णाजिनं च शम्यां चोलूखलं च मुसलं च दृषदं चोपलां चेत्य् उत्तरेण गार्हपत्यम्
sphyaṃ ca kapālāni cāgnihotrahavaṇīṃ ca śūrpaṃ ca kṛṣṇājinaṃ ca śamyāṃ colūkhalaṃ ca musalaṃ ca dṛṣadaṃ copalāṃ cety uttareṇa gārhapatyam
- 3
स्रुवं च जुहूं चोपभृतं च ध्रुवां च प्राशित्रहरणं चाज्यस्थालीं च वेदं पात्रीं च प्रणीताप्रणयनं चेडापात्रं चेत्य् उत्तरेणाहवनीयम्
sruvaṃ ca juhūṃ copabhṛtaṃ ca dhruvāṃ ca prāśitraharaṇaṃ cājyasthālīṃ ca vedaṃ pātrīṃ ca praṇītāpraṇayanaṃ ceḍāpātraṃ cety uttareṇāhavanīyam
- 4
यथोपपातम् अवशिष्टान्य् अन्ततः प्रातर्दोहपात्राणि
yathopapātam avaśiṣṭāny antataḥ prātardohapātrāṇi
- 5
खादिरः स्रुवः स्फ्यः शम्या प्राशित्रहरणं च
पर्णमयी जुहूः
आश्वत्थ्य् उपभृत्
वैकङ्कती ध्रुवाग्निहोत्रहवणी च
khādiraḥ sruvaḥ sphyaḥ śamyā prāśitraharaṇaṃ ca
parṇamayī juhūḥ
āśvatthy upabhṛt
vaikaṅkatī dhruvāgnihotrahavaṇī ca
- 6
प्रादेशमात्र्यो ऽरत्निमात्र्यो बाहुमात्र्यो वा स्रुचो भवन्ति त्वग्बिला मूलदण्डा हस्त्योष्ठ्यो वायसपुच्छा हंसमुखप्रसेचना वा
prādeśamātryo 'ratnimātryo bāhumātryo vā sruco bhavanti tvagbilā mūladaṇḍā hastyoṣṭhyo vāyasapucchā haṃsamukhaprasecanā vā
- 7
यान्य् अनादिष्टवृक्षाणि यः कश्च यज्ञियो वृक्षस्तस्य स्युर् इत्य् आश्मरथ्यः
yāny anādiṣṭavṛkṣāṇi yaḥ kaśca yajñiyo vṛkṣastasya syur ity āśmarathyaḥ

