9 shlokas
- 1
विसृष्टवागनन्वारभ्य तूष्णीम् उत्तरा दोहयित्वा कुम्भ्यां संक्षालनम् आनयति संपृच्यध्वम् ऋतावरीर् इति
visṛṣṭavāgananvārabhya tūṣṇīm uttarā dohayitvā kumbhyāṃ saṃkṣālanam ānayati saṃpṛcyadhvam ṛtāvarīr iti
- 2
श्रपयित्वा कर्षन्न् इवोदग् उद्वासयति दृंह गा दृंह गोपतिं मा वो यज्ञपती रिषद् इति
śrapayitvā karṣann ivodag udvāsayati dṛṃha gā dṛṃha gopatiṃ mā vo yajñapatī riṣad iti
- 3
प्राग् इत्य् एकेषां प्रागुदग् इत्य् एकेषाम्
prāg ity ekeṣāṃ prāgudag ity ekeṣām
- 4
शीतं बुध्नं कृत्वा दध्नातनक्ति सोमेन त्वा तनच्मीन्द्राय दधीति
śītaṃ budhnaṃ kṛtvā dadhnātanakti somena tvā tanacmīndrāya dadhīti
- 5
महेन्द्रायेति वा यदि महेन्द्रयाजी भवति
mahendrāyeti vā yadi mahendrayājī bhavati
- 6
अग्निहोत्रोच्छेषणम् आनयति यज्ञस्य संततिर् असि यज्ञस्य त्वा संततिम् अनु संतनोमीति
agnihotroccheṣaṇam ānayati yajñasya saṃtatir asi yajñasya tvā saṃtatim anu saṃtanomīti
- 7
अग्निहोत्रोच्छेषणम् आनीय दध्य् आनयेद् इत्य् आश्मरथ्यः
दध्य् आनीयाग्निहोत्रोच्छेषणम् इत्य् आलेखनः
agnihotroccheṣaṇam ānīya dadhy ānayed ity āśmarathyaḥ
dadhy ānīyāgnihotroccheṣaṇam ity ālekhanaḥ
- 8
यद्य् अग्निहोत्रोच्छेषणं न विन्देत्तण्डुलैर् आतञ्च्यात्
यदि तण्डुलान्न विन्देद् ओषधीभिर् आतञ्च्यात्
yady agnihotroccheṣaṇaṃ na vindettaṇḍulair ātañcyāt
yadi taṇḍulānna vinded oṣadhībhir ātañcyāt
- 9
आपो हविःषु जागृत यथा देवेषु जाग्रथ
एवम् अस्मिन्यज्ञे यजमानाय जागृतेति अपिधाने ऽप आनीयोदन्वतायस्पात्रेण दारुपात्रेण वापिदधाति
अदस्तम् असि विष्णवे त्वा यज्ञायापिदधाम्य् अहम्
अद्भिर् अरिक्तेन पात्रेण याः पूताः परिशेरत इति
āpo haviḥṣu jāgṛta yathā deveṣu jāgratha
evam asminyajñe yajamānāya jāgṛteti apidhāne 'pa ānīyodanvatāyaspātreṇa dārupātreṇa vāpidadhāti
adastam asi viṣṇave tvā yajñāyāpidadhāmy aham
adbhir ariktena pātreṇa yāḥ pūtāḥ pariśerata iti

