12 shlokas
- 1
तस्मिन्न् उत्तरेण गार्हपत्यम् उपविश्य पवित्रान्तर्हिते पात्रे ऽप आनयति को वो गृह्णाति स वो गृह्णात्व् इति
tasminn uttareṇa gārhapatyam upaviśya pavitrāntarhite pātre 'pa ānayati ko vo gṛhṇāti sa vo gṛhṇātv iti
- 2
अपो गृह्णन्न् इमां मनसा ध्यायति
apo gṛhṇann imāṃ manasā dhyāyati
- 3
उपबिलं चमसं पूरयित्वोदगग्राभ्यां पवित्राभ्यां त्रिर् उत्पूयाभिमन्त्रयते यथा पुरस्तात्
upabilaṃ camasaṃ pūrayitvodagagrābhyāṃ pavitrābhyāṃ trir utpūyābhimantrayate yathā purastāt
- 4
ब्रह्माणम् आमन्त्रयते ब्रह्मन्न् अपः प्रणेष्यामि यजमान वाचं यच्छेति
brahmāṇam āmantrayate brahmann apaḥ praṇeṣyāmi yajamāna vācaṃ yaccheti
- 5
प्रणीताः प्रणयन्वाचं यच्छत्य् आ हविष्कृतः
praṇītāḥ praṇayanvācaṃ yacchaty ā haviṣkṛtaḥ
- 6
प्रसूतो ब्रह्मणा समं प्राणैर्धारयमाणो ऽविषिञ्चन्स्फ्येनोपसंगृह्य हरत्य् अनुपसंगृह्य वा
को वः प्रणयति स वः प्रणयतु
अपो देवीः प्रणयामि यज्ञं संसादयन्तु नः
इरं मदन्तीर्घृतपृष्ठा उदाकुः सहस्रपोषं यजमाने न्यञ्चतीर् इति
prasūto brahmaṇā samaṃ prāṇairdhārayamāṇo 'viṣiñcansphyenopasaṃgṛhya haraty anupasaṃgṛhya vā
ko vaḥ praṇayati sa vaḥ praṇayatu
apo devīḥ praṇayāmi yajñaṃ saṃsādayantu naḥ
iraṃ madantīrghṛtapṛṣṭhā udākuḥ sahasrapoṣaṃ yajamāne nyañcatīr iti
- 7
मनसा मन्त्रं जपति
manasā mantraṃ japati
- 8
उत्तरेणाहवनीयं प्रणीताः सादयति को वो युनक्ति स वो युनक्त्व् इति
uttareṇāhavanīyaṃ praṇītāḥ sādayati ko vo yunakti sa vo yunaktv iti
- 9
दर्भैर् अपिधाय पवित्रे आदाय पात्राणि संमृशति संसीदन्तां दैवीर्विशः पात्राणि देवयज्याया इति
darbhair apidhāya pavitre ādāya pātrāṇi saṃmṛśati saṃsīdantāṃ daivīrviśaḥ pātrāṇi devayajyāyā iti
- 10
देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्याम् आ ददे वानस्पत्यासीत्य् अग्निहोत्रहवणीम् आदत्ते
devasya tvā savituḥ prasave 'śvinorbāhubhyāṃ pūṣṇo hastābhyām ā dade vānaspatyāsīty agnihotrahavaṇīm ādatte
- 11
वेषाय त्वेति शूर्पम्
veṣāya tveti śūrpam
- 12
उर्वन्तरिक्षम् अन्विहीत्य् अभिप्रव्रज्याहवनीये निष्टपति प्रत्युष्टं रक्षः प्रत्युष्टा अरातय इति
urvantarikṣam anvihīty abhipravrajyāhavanīye niṣṭapati pratyuṣṭaṃ rakṣaḥ pratyuṣṭā arātaya iti

