9 shlokas
- 1
अमावास्यायाम् अधिवृक्षसूर्ये पिण्डपितृयज्ञेन चरन्ति
amāvāsyāyām adhivṛkṣasūrye piṇḍapitṛyajñena caranti
- 2
दक्षिणाप्रागग्रैर्दर्भैर् अन्वाहार्यपचनं परिस्तीर्यैकैकशः पिण्डपितृयज्ञपात्राणि प्रक्षाल्य प्रयुनक्ति स्फ्यं स्रुवम् आज्यस्थालीं मेक्षणं कृष्णाजिनम् उलूखलं मुसलं शूर्पं येन चार्थी भवति
dakṣiṇāprāgagrairdarbhair anvāhāryapacanaṃ paristīryaikaikaśaḥ piṇḍapitṛyajñapātrāṇi prakṣālya prayunakti sphyaṃ sruvam ājyasthālīṃ mekṣaṇaṃ kṛṣṇājinam ulūkhalaṃ musalaṃ śūrpaṃ yena cārthī bhavati
- 3
अध्वर्युर्यज्ञोपवीती दक्षिणतः शकटाद् एकपवित्रे ऽधि स्थाल्यां निर्वपति
adhvaryuryajñopavītī dakṣiṇataḥ śakaṭād ekapavitre 'dhi sthālyāṃ nirvapati
- 4
पूरयित्वा निमार्ष्टि
pūrayitvā nimārṣṭi
- 5
कृष्णाजिन उलूखलं प्रतिष्ठाप्य दक्षिणाप्राची पत्नी तिष्ठन्ती परापावम् अविवेकम् अवहन्ति
kṛṣṇājina ulūkhalaṃ pratiṣṭhāpya dakṣiṇāprācī patnī tiṣṭhantī parāpāvam avivekam avahanti
- 6
सकृत्फलीकरोति
sakṛtphalīkaroti
- 7
दक्षिणाग्नौ जीवतण्डुलम् इव श्रपयित्वोत्पूतेन नवनीतेनाभिघारयत्य् अनुत्पूतेन वा सर्पिषा
dakṣiṇāgnau jīvataṇḍulam iva śrapayitvotpūtena navanītenābhighārayaty anutpūtena vā sarpiṣā
- 8
दक्षिणपूर्वेणान्वाहार्यपचनम् उत्तरापरेण वा दक्षिणाप्राचीम् एकस्फ्यां वेदिम् उद्धत्यावोक्ष्य सकृद् आच्छिन्नेन बर्हिषा स्तृणाति
सकृद् आच्छिन्नं बर्हिर् ऊर्णामृदु स्योनं पितृभ्यस्त्वा भराम्य् अहम्
अस्मिन्सीदन्तु मे पितरः सोम्याः पितामहाः प्रपितामहाश्चानुगैः सहेति
dakṣiṇapūrveṇānvāhāryapacanam uttarāpareṇa vā dakṣiṇāprācīm ekasphyāṃ vedim uddhatyāvokṣya sakṛd ācchinnena barhiṣā stṛṇāti
sakṛd ācchinnaṃ barhir ūrṇāmṛdu syonaṃ pitṛbhyastvā bharāmy aham
asminsīdantu me pitaraḥ somyāḥ pitāmahāḥ prapitāmahāścānugaiḥ saheti
- 9
तस्याम् एतं स्थालीपाकं प्रतिष्ठाप्य दक्षिणतः कशिपूपबर्हणम् आञ्जनम् अभ्यञ्जनम् इत्य् एकैकश आसाद्य
tasyām etaṃ sthālīpākaṃ pratiṣṭhāpya dakṣiṇataḥ kaśipūpabarhaṇam āñjanam abhyañjanam ity ekaikaśa āsādya

