14 shlokas
- 1
ततः संप्रेष्यति
परिस्तृणीत परिधत्ताग्निं परिहितो ऽग्निर्यजमानं भुनक्तु
अपां रस ओषधीनां सुवर्णो निष्का इमे यजमानस्य सन्तु कामदुघा अमुत्रामुष्मिंल्लोक इति
tataḥ saṃpreṣyati
paristṛṇīta paridhattāgniṃ parihito 'gniryajamānaṃ bhunaktu
apāṃ rasa oṣadhīnāṃ suvarṇo niṣkā ime yajamānasya santu kāmadughā amutrāmuṣmiṃlloka iti
- 2
ततो ऽग्नीन्परिस्तृणाति पूर्वांश्चापरौ च प्रागग्रैर्दर्भैः
tato 'gnīnparistṛṇāti pūrvāṃścāparau ca prāgagrairdarbhaiḥ
- 3
अपि वोदगग्राः पश्चात्पुरस्ताच्च भवन्ति
api vodagagrāḥ paścātpurastācca bhavanti
- 4
दक्षिणः पक्ष उपरिष्टाद्भवत्य् अधस्ताद् उत्तरः
dakṣiṇaḥ pakṣa upariṣṭādbhavaty adhastād uttaraḥ
- 5
दक्षिणेनाहवनीयं ब्रह्मयजमानयोर् आयतने कल्पयति
dakṣiṇenāhavanīyaṃ brahmayajamānayor āyatane kalpayati
- 6
पूर्वं ब्रह्मणो ऽपरं यजमानस्य
pūrvaṃ brahmaṇo 'paraṃ yajamānasya
- 7
स्वयं यजमानः पर्वण्य् अग्निहोत्रम्जुहोति
svayaṃ yajamānaḥ parvaṇy agnihotramjuhoti
- 8
नास्यामावस्यां रात्रिं कुमारा अपि पयः पिबन्ति
nāsyāmāvasyāṃ rātriṃ kumārā api payaḥ pibanti
- 9
यवाग्वास्यैतां रात्रिम् अग्निहोत्रं हुत्वाग्निहोत्रोच्छेषणं हविर् आतञ्चनं निदधाति
yavāgvāsyaitāṃ rātrim agnihotraṃ hutvāgnihotroccheṣaṇaṃ havir ātañcanaṃ nidadhāti
- 10
सांनाय्यपात्राणि प्रक्षाल्य द्वन्द्वं प्रयुनक्ति
sāṃnāyyapātrāṇi prakṣālya dvandvaṃ prayunakti
- 11
उत्तरेण गार्हपत्यं कुम्भीं दोहनं शाखापवित्रम् उपवेषम् अभिधानीं निदाने येन चार्थी भवति
uttareṇa gārhapatyaṃ kumbhīṃ dohanaṃ śākhāpavitram upaveṣam abhidhānīṃ nidāne yena cārthī bhavati
- 12
अग्निहोत्रहवण्यां तिरः पवित्रम् अप आनीयोदगग्राभ्यां त्रिर् उत्पुनाति देवो वः सवितोत्पुनात्व् इति पच्छो गायत्र्या
agnihotrahavaṇyāṃ tiraḥ pavitram apa ānīyodagagrābhyāṃ trir utpunāti devo vaḥ savitotpunātv iti paccho gāyatryā
- 13
अथैना अभिमन्त्रयत आपो देवीर् अग्रेपुव इति प्रतिपद्य प्रोक्षिता स्थेत्यन्तेन
athainā abhimantrayata āpo devīr agrepuva iti pratipadya prokṣitā sthetyantena
- 14
सांनाय्यपात्राणि प्रोक्षत्य् उत्तानानि पर्यावृत्य
sāṃnāyyapātrāṇi prokṣaty uttānāni paryāvṛtya

