11 shlokas
- 1
वैकङ्कतानीत्य् आलेखनः
vaikaṅkatānīty ālekhanaḥ
- 2
वारणान्य् अहोमार्थानि स्युः
vāraṇāny ahomārthāni syuḥ
- 3
विज्ञायते तस्माद्वारणो यज्ञापचारः
न त्व् एनेन जुहुयाद् इति
vijñāyate tasmādvāraṇo yajñāpacāraḥ
na tv enena juhuyād iti
- 4
गार्हपत्यात्प्रक्रम्य संततां प्राचीमुलपराजीं स्तृणात्य् आहवनीयाद्यज्ञस्य संततिर् असि यज्ञस्य त्वासंतत्यै स्तृणामि संतत्यै त्वा यज्ञस्येति
gārhapatyātprakramya saṃtatāṃ prācīmulaparājīṃ stṛṇāty āhavanīyādyajñasya saṃtatir asi yajñasya tvāsaṃtatyai stṛṇāmi saṃtatyai tvā yajñasyeti
- 5
अत्र ब्रह्मा प्रपद्यते
atra brahmā prapadyate
- 6
बर्हिषः समाव् अप्रच्छिन्नाग्रौ दर्भौ प्रादेशमात्रौ पवित्रे कुरुते पवित्रे स्थो वैष्णवी वायुर्वां मनसा पुनात्व् इति
barhiṣaḥ samāv apracchinnāgrau darbhau prādeśamātrau pavitre kurute pavitre stho vaiṣṇavī vāyurvāṃ manasā punātv iti
- 7
तृणं काष्ठं वान्तर्धाय छिनत्ति न नखेन
tṛṇaṃ kāṣṭhaṃ vāntardhāya chinatti na nakhena
- 8
अथैने अद्भिर् अनुमार्ष्टि विष्णोर्मनसा पूते स्थो वैष्णवी स्थो वायुपूते स्थ इति
athaine adbhir anumārṣṭi viṣṇormanasā pūte stho vaiṣṇavī stho vāyupūte stha iti
- 9
अथैने अभिमन्त्रयत इमौ प्राणापानौ यज्ञस्याङ्गानि सर्वशः
आप्याययन्तौ संचरतां पवित्रे हव्यशोधन इति
athaine abhimantrayata imau prāṇāpānau yajñasyāṅgāni sarvaśaḥ
āpyāyayantau saṃcaratāṃ pavitre havyaśodhana iti
- 10
वेषाय त्वेति प्रणीताप्रणयनं चमसम् आदाय प्रक्षालयति वानस्पत्यो ऽसि देवेभ्यः शुन्धस्वेति
veṣāya tveti praṇītāpraṇayanaṃ camasam ādāya prakṣālayati vānaspatyo 'si devebhyaḥ śundhasveti
- 11
कंसेन ब्रह्मवर्चसकामस्य प्रणयेद्गोदोहनेन पशुकामस्य मृन्मयेन प्रतिष्ठाकामस्येति विज्ञायते
kaṃsena brahmavarcasakāmasya praṇayedgodohanena paśukāmasya mṛnmayena pratiṣṭhākāmasyeti vijñāyate

