14 shlokas
- 1
शुन्धध्वं दैव्याय कर्मणे देवयज्याया इति त्रिः
śundhadhvaṃ daivyāya karmaṇe devayajyāyā iti triḥ
- 2
अथैतानि निष्टपति निष्टप्तं रक्षो निष्टप्तो ऽघशंस इति
athaitāni niṣṭapati niṣṭaptaṃ rakṣo niṣṭapto 'ghaśaṃsa iti
- 3
अथ गा आयतीः प्रतीक्षते
एता आचरन्ति मधुमद्दुहानाः प्रजावतीर्यशसो विश्वरूपाः
बह्वीर्भवन्तीर् उपजायमाना इह व इन्द्रो रमयतु गाव इति
atha gā āyatīḥ pratīkṣate
etā ācaranti madhumadduhānāḥ prajāvatīryaśaso viśvarūpāḥ
bahvīrbhavantīr upajāyamānā iha va indro ramayatu gāva iti
- 4
अदित्यै रास्नासीत्य् अभिधानीम् आदाय पूषासीति वत्सम् अभिदधाति
पूषा स्थेति वा सर्वान्
adityai rāsnāsīty abhidhānīm ādāya pūṣāsīti vatsam abhidadhāti
pūṣā stheti vā sarvān
- 5
तत आह उपसृष्टां मे प्रब्रूताद् इति
tata āha upasṛṣṭāṃ me prabrūtād iti
- 6
उपसृष्टाम् अनुमन्त्रयते अयक्ष्मा वः प्रजया संसृजामि रायस्पोषेण बहुला भवन्तीर् इति
upasṛṣṭām anumantrayate ayakṣmā vaḥ prajayā saṃsṛjāmi rāyaspoṣeṇa bahulā bhavantīr iti
- 7
उपसीदन्तम् अनुमन्त्रयत ऊर्जं पयः पिन्वमाना घृतं च जीवो जीवन्तीर् उप वः सदेयम् इति
upasīdantam anumantrayata ūrjaṃ payaḥ pinvamānā ghṛtaṃ ca jīvo jīvantīr upa vaḥ sadeyam iti
- 8
ततः संप्रेष्यति विहारं गां चोपसृष्टाम् अन्तरेण मा संचारिष्टेति
tataḥ saṃpreṣyati vihāraṃ gāṃ copasṛṣṭām antareṇa mā saṃcāriṣṭeti
- 9
न दुह्यमानाम् अन्तरेण संचरन्ति विहारं च
na duhyamānām antareṇa saṃcaranti vihāraṃ ca
- 10
यदि व्यवेयात्सांनाय्यं मा विलोपीति ब्रूयात्
yadi vyaveyātsāṃnāyyaṃ mā vilopīti brūyāt
- 11
धृष्टिर् असि ब्रह्म यच्छेत्य् उपवेषम् आदाय गार्हपत्याद् उदीचो ऽङ्गारान्निरूहति निरूढं जन्यं भयम् इति
dhṛṣṭir asi brahma yacchety upaveṣam ādāya gārhapatyād udīco 'ṅgārānnirūhati nirūḍhaṃ janyaṃ bhayam iti
- 12
तेषु कुम्भीम् अधिश्रयति मातरिश्वनो घर्मो ऽसीति
teṣu kumbhīm adhiśrayati mātariśvano gharmo 'sīti
- 13
अथैनां प्रदक्षिणम् अङ्गारैः पर्यूहति भृगूणाम् अङ्गिरसां तपसा तपस्वेति
athaināṃ pradakṣiṇam aṅgāraiḥ paryūhati bhṛgūṇām aṅgirasāṃ tapasā tapasveti
- 14
अथास्यां शाखापवित्रं प्रागग्रं निदधाति वसूनां पवित्रम् असि शतधारं वसूनां पवित्रम् असि सहस्रधारम् इति
athāsyāṃ śākhāpavitraṃ prāgagraṃ nidadhāti vasūnāṃ pavitram asi śatadhāraṃ vasūnāṃ pavitram asi sahasradhāram iti

