21 shlokas
- 1
देवबर्हिः शतवल्शं विरोहेत्य् आलवान्प्रत्यभिमृशति
devabarhiḥ śatavalśaṃ virohety ālavānpratyabhimṛśati
- 2
सहस्रवल्शा वि वयं रुहेमेत्य् आत्मानम्
sahasravalśā vi vayaṃ ruhemety ātmānam
- 3
अथैनत्संभरति पृथिव्या संपृचः पाहि सुसंभृता त्वा संभरामीति
athainatsaṃbharati pṛthivyā saṃpṛcaḥ pāhi susaṃbhṛtā tvā saṃbharāmīti
- 4
अत एव बर्हिषः शुल्बं करोति त्रिधातु पञ्चधातु वा
ata eva barhiṣaḥ śulbaṃ karoti tridhātu pañcadhātu vā
- 5
अयुपितो योनिर् इति शुल्बम् आवेष्टयति
ayupito yonir iti śulbam āveṣṭayati
- 6
अदित्यै रास्नासीति प्रतिदधाति
adityai rāsnāsīti pratidadhāti
- 7
तत्रैषो ऽत्यन्तप्रदेशो यानि कानि च शुल्बानि न समस्यन्ते प्रदक्षिणं तान्य् आवेष्टयेत्
tatraiṣo 'tyantapradeśo yāni kāni ca śulbāni na samasyante pradakṣiṇaṃ tāny āveṣṭayet
- 8
अथ यानि समस्यन्ते प्रसव्यं तेषां गुणम् आवेष्ट्य प्रदक्षिणम् अभिसमस्येत्
atha yāni samasyante prasavyaṃ teṣāṃ guṇam āveṣṭya pradakṣiṇam abhisamasyet
- 9
उदगग्रं शुल्बं निधाय तस्मिन्प्रागग्रं बर्हिर्निदधाति
udagagraṃ śulbaṃ nidhāya tasminprāgagraṃ barhirnidadhāti
- 10
अलुभितो योनिर् इत्य् उत्तमे निधने प्रस्तरम् अत्यादधाति
alubhito yonir ity uttame nidhane prastaram atyādadhāti
- 11
अथैनत्संनह्यतीन्द्राण्यै संनहनम् इति
athainatsaṃnahyatīndrāṇyai saṃnahanam iti
- 12
पूषा ते ग्रन्थिं ग्रथ्नात्व् इति ग्रन्थिं करोति
pūṣā te granthiṃ grathnātv iti granthiṃ karoti
- 13
स ते मा स्थाद् इति पश्चात्प्राञ्चम् उपगूहति
sa te mā sthād iti paścātprāñcam upagūhati
- 14
पुरस्तात्प्रत्यञ्चम् इत्य् एकेषाम्
purastātpratyañcam ity ekeṣām
- 15
अथैनद् आरभते
आपस्त्वाम् अश्विनौ त्वाम् ऋषयः सप्त मामृजुः
बर्हिः सूर्यस्य रश्मिभिर् उषसां केतुम् आरभ इति
athainad ārabhate
āpastvām aśvinau tvām ṛṣayaḥ sapta māmṛjuḥ
barhiḥ sūryasya raśmibhir uṣasāṃ ketum ārabha iti
- 16
उद्यच्छत इन्द्रस्य त्वा बाहुभ्याम् उद्यच्छ इति
udyacchata indrasya tvā bāhubhyām udyaccha iti
- 17
शीर्षन्न् अधिनिधत्ते बृहस्पतेर्मूर्ध्ना हरामीति
śīrṣann adhinidhatte bṛhaspatermūrdhnā harāmīti
- 18
आहरत्य् उर्व् अन्तरिक्षम् अन्विहीति
āharaty urv antarikṣam anvihīti
- 19
अपरेणाहवनीयं परिधीनां काले ऽन्तर्वेद्य् अनधः सादयत्य् अदित्यास्त्वोपस्थे सादयामीति
apareṇāhavanīyaṃ paridhīnāṃ kāle 'ntarvedy anadhaḥ sādayaty adityāstvopasthe sādayāmīti
- 20
देवंगमम् असीत्य् आसन्नम् अभिमन्त्रयते
devaṃgamam asīty āsannam abhimantrayate
- 21
उपरीव प्रज्ञातं निदधाति
uparīva prajñātaṃ nidadhāti

