22 shlokas
- 1
ध्रुवा अस्मिन्गोपतौ स्यात्बह्वीः इति यजमानस्य गृहान् अभिपर्यावर्तते
dhruvā asmingopatau syātbahvīḥ iti yajamānasya gṛhān abhiparyāvartate
- 2
अग्निष्ठे ऽनस्य् अग्न्यगारे वा पुरस्तात्प्रतीचीं शाखाम् उपगूहति यजमानस्य पशून्पाहि इति
agniṣṭhe 'nasy agnyagāre vā purastātpratīcīṃ śākhām upagūhati yajamānasya paśūnpāhi iti
- 3
पश्चात्प्राचीम् इत्य् एकेषाम्
paścātprācīm ity ekeṣām
- 4
यो वा अध्वर्योर्गृहान्वेद गृहवान्भवति
आ चतुर्थात्कर्मणो ऽभिसमीक्षेत इदं करिष्यामीदं करिष्यामीति
एते वा अध्वर्योर्गृहाः
य एवं वेद गृहवान्भवतीति विज्ञायते
yo vā adhvaryorgṛhānveda gṛhavānbhavati
ā caturthātkarmaṇo 'bhisamīkṣeta idaṃ kariṣyāmīdaṃ kariṣyāmīti
ete vā adhvaryorgṛhāḥ
ya evaṃ veda gṛhavānbhavatīti vijñāyate
- 5
सावित्रेणाश्वपर्शुम् अनडुत्पर्शुम् असिदं वादाय गार्हपत्यम् अभिमन्त्रयते यज्ञस्य घोषद् असि इति
sāvitreṇāśvaparśum anaḍutparśum asidaṃ vādāya gārhapatyam abhimantrayate yajñasya ghoṣad asi iti
- 6
प्रत्युष्टं रक्षः प्रत्युष्टा अरातयः इत्य् आहवनीये दात्रं प्रतितपति
pratyuṣṭaṃ rakṣaḥ pratyuṣṭā arātayaḥ ity āhavanīye dātraṃ pratitapati
- 7
प्रेयम् अगाद्धिषणा बर्हिर् अच्छ इति प्राङ्वोदङ्वाभिप्रव्रज्य यतः कुतश्च दर्भमयं बर्हिर् आहरति
preyam agāddhiṣaṇā barhir accha iti prāṅvodaṅvābhipravrajya yataḥ kutaśca darbhamayaṃ barhir āharati
- 8
विष्णो स्तूपो ऽसि इति प्रथमं स्तम्बम् उत्सृजति
viṣṇo stūpo 'si iti prathamaṃ stambam utsṛjati
- 9
द्वितीयं परिषौति देवानां परिषूतम् असि वर्षवृद्धम् असि इति
dvitīyaṃ pariṣauti devānāṃ pariṣūtam asi varṣavṛddham asi iti
- 10
तस्य द्वे तिस्रो वा नाडीर् उत्सृजति अवशिष्टो गवां भागः इति
tasya dve tisro vā nāḍīr utsṛjati avaśiṣṭo gavāṃ bhāgaḥ iti
- 11
स्तम्बम् आरभते देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्यां बर्हिर्देवसदनम् आरभे इति
stambam ārabhate devasya tvā savituḥ prasave 'śvinorbāhubhyāṃ pūṣṇo hastābhyāṃ barhirdevasadanam ārabhe iti
- 12
पर्वणि दाति देवबर्हिर्मा त्वान्वङ्मा तिर्यक्पर्व ते राध्यासम् आछेत्ता ते मा रिषम् इति
parvaṇi dāti devabarhirmā tvānvaṅmā tiryakparva te rādhyāsam āchettā te mā riṣam iti
- 13
संनखं मुष्टिं लुनोति
saṃnakhaṃ muṣṭiṃ lunoti
- 14
स प्रस्तरो भवति
sa prastaro bhavati
- 15
कुल्मिमात्र इत्य् एकेषाम्
kulmimātra ity ekeṣām
- 16
ऊर्वस्थिमात्र इत्य् एकेषाम्
ūrvasthimātra ity ekeṣām
- 17
स्रुग्दण्डमात्र इत्य् एकेषाम्
srugdaṇḍamātra ity ekeṣām
- 18
अपरिमित इत्य् एकेषाम्
aparimita ity ekeṣām
- 19
एवम् एवायुजो मुष्टींल्लुनोति
evam evāyujo muṣṭīṃllunoti
- 20
यद् अन्यत्परिषवणाद् उत्सर्जनाद् इति सर्वं तत्करोति
yad anyatpariṣavaṇād utsarjanād iti sarvaṃ tatkaroti
- 21
प्रस्तरो युक्तम् इत्य् एकेषाम् अयुक्तम् इत्य् एकेषाम्
prastaro yuktam ity ekeṣām ayuktam ity ekeṣām
- 22
अयुञ्जि निधनानि लुनोतीत्य् एकेषाम्
ayuñji nidhanāni lunotīty ekeṣām

