14 shlokas
- 1
यजमानम् आमन्त्रयते यजमान हविर्निर्वप्स्यामीति
yajamānam āmantrayate yajamāna havirnirvapsyāmīti
- 2
ॐ निर्वपेति यजमानः प्रत्याह
oṃ nirvapeti yajamānaḥ pratyāha
- 3
यदि यजमानः प्रवसेद् अग्ने हविर्निर्वप्स्यामीति ब्रूयात्
yadi yajamānaḥ pravased agne havirnirvapsyāmīti brūyāt
- 4
अपरेण गार्हपत्यं प्रागीषं शकटम् अवस्थाप्य तस्मिन्पुरोडाशीयान् आधाय दक्षिणां युगधुरम् अभिमृशति धूर् असि धूर्व धूर्वन्तम् इति
apareṇa gārhapatyaṃ prāgīṣaṃ śakaṭam avasthāpya tasminpuroḍāśīyān ādhāya dakṣiṇāṃ yugadhuram abhimṛśati dhūr asi dhūrva dhūrvantam iti
- 5
एवम् उत्तराम्
evam uttarām
- 6
त्वं देवानाम् असि सस्नितमम् इत्य् उत्तराम् ईषाम् आलभ्य जपति
tvaṃ devānām asi sasnitamam ity uttarām īṣām ālabhya japati
- 7
विष्णुस्त्वाक्रंस्तेति उत्तरे चक्रे दक्षिणं पादम् अत्यादधाति
viṣṇustvākraṃsteti uttare cakre dakṣiṇaṃ pādam atyādadhāti
- 8
अह्रुतम् असि हविर्धानम् इत्य् आरोहति
ahrutam asi havirdhānam ity ārohati
- 9
मित्रस्य त्वा चक्षुषा प्रेक्ष इति परिणाहं प्रेक्षते
mitrasya tvā cakṣuṣā prekṣa iti pariṇāhaṃ prekṣate
- 10
उरु वातायेत्य् अपच्छाद्यान्तः शकट उपविश्य दशहोतारं व्याख्याय यच्छन्तु त्वा पञ्चेति व्रीहीन्यवान्वाग्निहोत्रहवण्यां मुष्टीनोप्य तिरः पवित्रं शूर्पे निर्वपति देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्याम् अग्नये जुष्टं निर्वपामीति
uru vātāyety apacchādyāntaḥ śakaṭa upaviśya daśahotāraṃ vyākhyāya yacchantu tvā pañceti vrīhīnyavānvāgnihotrahavaṇyāṃ muṣṭīnopya tiraḥ pavitraṃ śūrpe nirvapati devasya tvā savituḥ prasave 'śvinorbāhubhyāṃ pūṣṇo hastābhyām agnaye juṣṭaṃ nirvapāmīti
- 11
त्रीन्मुष्टीन्यजुषा तूष्णीं चतुर्थम्
trīnmuṣṭīnyajuṣā tūṣṇīṃ caturtham
- 12
निरुप्तेष्व् अन्वावपति भक्षाणां प्ररेकाय
nirupteṣv anvāvapati bhakṣāṇāṃ prarekāya
- 13
एवम् एवोत्तरं पुरोडाशं निर्वपत्य् अग्नीषोमाभ्याम् इति पौर्णमास्याम् इन्द्राग्निभ्याम् इति अमावास्यायाम् असंनयतः
evam evottaraṃ puroḍāśaṃ nirvapaty agnīṣomābhyām iti paurṇamāsyām indrāgnibhyām iti amāvāsyāyām asaṃnayataḥ
- 14
अथ यदि पात्र्यां निर्वपेद्दक्षिणतः स्फ्यम् अवधाय तस्यां सर्वान्शकटमन्त्रान्जपेत्
atha yadi pātryāṃ nirvapeddakṣiṇataḥ sphyam avadhāya tasyāṃ sarvānśakaṭamantrānjapet

