15 shlokas
- 1
उल्मुकम् अपिसृजति
अभून्नो दूतो हविषो जातवेदा अवाड्ढव्यानि सुरभीणि कृत्वा
प्रादाः पितृभ्यः स्वधया ते अक्षन्प्रजानन्न् अग्ने पुनर् अप्येहि देवान् इति
ulmukam apisṛjati
abhūnno dūto haviṣo jātavedā avāḍḍhavyāni surabhīṇi kṛtvā
prādāḥ pitṛbhyaḥ svadhayā te akṣanprajānann agne punar apyehi devān iti
- 2
प्राजापत्ययर्चा पुनर् एति प्रजापत इत्य् एतया
prājāpatyayarcā punar eti prajāpata ity etayā
- 3
पङ्क्त्या गार्हपत्यम् उपतिष्ठते यद् अन्तरिक्षं पृथिवीम् उत द्याम् इति
paṅktyā gārhapatyam upatiṣṭhate yad antarikṣaṃ pṛthivīm uta dyām iti
- 4
अग्नौ सकृद् आच्छिन्नं प्रहृत्याद्भिः प्रोक्ष्य द्वन्द्वं पिण्डपितृयज्ञपात्राणि प्रत्युदाहरति
agnau sakṛd ācchinnaṃ prahṛtyādbhiḥ prokṣya dvandvaṃ piṇḍapitṛyajñapātrāṇi pratyudāharati
- 5
अपः पिण्डान् अभ्यवहरेद्ब्राह्मणं वा भोजयेद् अग्नौ वा प्रहरेत्
apaḥ piṇḍān abhyavaharedbrāhmaṇaṃ vā bhojayed agnau vā praharet
- 6
ये समानाः समनसः पितरो यमराज्ये
तेषां लोकः स्वधा नमो यज्ञो देवेषु कल्पताम् इति प्रथमं पिण्डं प्रहरति
ye samānāḥ samanasaḥ pitaro yamarājye
teṣāṃ lokaḥ svadhā namo yajño deveṣu kalpatām iti prathamaṃ piṇḍaṃ praharati
- 7
ये सजाताः समनसो जीवा जीवेषु मामकाः
तेषां श्रीर्मयि कल्पताम् अस्मिंल्लोके शतं समा इतीतरौ
ye sajātāḥ samanaso jīvā jīveṣu māmakāḥ
teṣāṃ śrīrmayi kalpatām asmiṃlloke śataṃ samā itītarau
- 8
पत्नी वा मध्यमं पिण्डं प्राश्नाति
patnī vā madhyamaṃ piṇḍaṃ prāśnāti
- 9
पुमांसं ह जानुका भवतीति विज्ञायते
pumāṃsaṃ ha jānukā bhavatīti vijñāyate
- 10
आधत्त पितरो गर्भं कुमारं पुष्करस्रजम्
यथेह पितरो लोके दीर्घमायुः प्रजीविताद् इति प्राशन आम्नातो भवति
ādhatta pitaro garbhaṃ kumāraṃ puṣkarasrajam
yatheha pitaro loke dīrghamāyuḥ prajīvitād iti prāśana āmnāto bhavati
- 11
संतिष्ठते पिण्डपितृयज्ञः
saṃtiṣṭhate piṇḍapitṛyajñaḥ
- 12
एवं विहित एवानाहिताग्नेर्भवत्य् अन्यत्र गार्हपत्योपस्थानात्
evaṃ vihita evānāhitāgnerbhavaty anyatra gārhapatyopasthānāt
- 13
अन्यं गार्हपत्यस्थानीयम् आगमयेद् इत्य् एकम्
anyaṃ gārhapatyasthānīyam āgamayed ity ekam
- 14
यस्मिन्प्रहरेत्तम् उपतिष्ठेतेत्य् अपरम्
yasminpraharettam upatiṣṭhetety aparam
- 15
तत्र गार्हपत्यशब्दो लुप्येत संस्कारप्रतिषेधात्
tatra gārhapatyaśabdo lupyeta saṃskārapratiṣedhāt

