19 shlokas
- 1
इन्द्र शाक्वर गायत्रीं प्रपद्ये तां ते युनज्मीन्द्र शाक्वर त्रिष्टुभं प्रपद्ये तां ते युनज्मीन्द्र शाक्वर जगतीं प्रपद्ये तां ते युनज्मीन्द्र शाक्वरानुष्टुभं प्रपद्ये तां ते युनज्मीन्द्र शाक्वर पङ्क्तिं प्रपद्ये तां ते युनज्मीत्य् एतैः प्रतिमन्त्रं प्रतिदिशं कृष्णाजिनम् अभिमृशति
मध्य उत्तमेन
indra śākvara gāyatrīṃ prapadye tāṃ te yunajmīndra śākvara triṣṭubhaṃ prapadye tāṃ te yunajmīndra śākvara jagatīṃ prapadye tāṃ te yunajmīndra śākvarānuṣṭubhaṃ prapadye tāṃ te yunajmīndra śākvara paṅktiṃ prapadye tāṃ te yunajmīty etaiḥ pratimantraṃ pratidiśaṃ kṛṣṇājinam abhimṛśati
madhya uttamena
- 2
अथ प्राङ्मुखो जान्वक्नो ऽभिसर्पति
atha prāṅmukho jānvakno 'bhisarpati
- 3
इमां धियं शिक्षमाणस्येति कृष्णाजिनं भसत्त आरोहति
imāṃ dhiyaṃ śikṣamāṇasyeti kṛṣṇājinaṃ bhasatta ārohati
- 4
सुत्रामाणम् इत्य् आरोहञ्जपति
इमां सु नावम् आरुहम् इत्य् आरूढः
आहं दीक्षाम् अरुहम् ऋतस्य पत्नीं गायत्रेण छन्दसा ब्रह्मणा चर्तं सत्ये ऽधायि सत्यम् ऋते ऽधाय्य् ऋतं च मे सत्यं चाभूतां ज्योतिर् अभूवं सुवर् अगमं सुवर्गं लोकं नाकस्य पृष्ठं ब्रध्नस्य विष्टपम् अगमम् इति च
sutrāmāṇam ity ārohañjapati
imāṃ su nāvam āruham ity ārūḍhaḥ
āhaṃ dīkṣām aruham ṛtasya patnīṃ gāyatreṇa chandasā brahmaṇā cartaṃ satye 'dhāyi satyam ṛte 'dhāyy ṛtaṃ ca me satyaṃ cābhūtāṃ jyotir abhūvaṃ suvar agamaṃ suvargaṃ lokaṃ nākasya pṛṣṭhaṃ bradhnasya viṣṭapam agamam iti ca
- 5
अत्र पत्नी शिरसि कुम्बकुरीरम् अध्यूहते
atra patnī śirasi kumbakurīram adhyūhate
- 6
कृष्णं जीवोर्णानाम् इति वाजसनेयकम्
kṛṣṇaṃ jīvorṇānām iti vājasaneyakam
- 7
जालं कुम्बकुरीरम् इत्य् आचक्षते
jālaṃ kumbakurīram ity ācakṣate
- 8
विष्णोः शर्मासीत्य् अहतेन वाससा दक्षिणम् अंसं यजमानः प्रोर्णुते
नक्षत्राणां मातीकाशात्पाहीति शिरः
viṣṇoḥ śarmāsīty ahatena vāsasā dakṣiṇam aṃsaṃ yajamānaḥ prorṇute
nakṣatrāṇāṃ mātīkāśātpāhīti śiraḥ
- 9
उष्णीषेण प्रदक्षिणं शिरो वेष्टयत इति वाजसनेयकम्
uṣṇīṣeṇa pradakṣiṇaṃ śiro veṣṭayata iti vājasaneyakam
- 10
न पुरा सोमस्य क्रयाद् अपोर्ण्वीतेत्य् उक्तम्
na purā somasya krayād aporṇvītety uktam
- 11
प्राचीनमात्रावाससा पत्नीं दीक्षयति
prācīnamātrāvāsasā patnīṃ dīkṣayati
- 12
ऊर्ध्ववास्यं ब्रुवते
ūrdhvavāsyaṃ bruvate
- 13
शरमयी मौञ्जी वा मेखला त्रिवृत्पृथ्व्य् अन्यतरतःपाशा
तया यजमानं दीक्षयति
योक्त्रेण पत्नीम्
śaramayī mauñjī vā mekhalā trivṛtpṛthvy anyatarataḥpāśā
tayā yajamānaṃ dīkṣayati
yoktreṇa patnīm
- 14
ऊर्ग् असीति नाभिं प्रति परिव्ययति द्वेष्यं मनसा ध्यायन्
ūrg asīti nābhiṃ prati parivyayati dveṣyaṃ manasā dhyāyan
- 15
उत्तरेण नाभिं निष्टर्क्यं ग्रन्थिं कृत्वा प्रदक्षिणं पर्यूह्य दक्षिणेन नाभिम् अवस्थापयति
uttareṇa nābhiṃ niṣṭarkyaṃ granthiṃ kṛtvā pradakṣiṇaṃ paryūhya dakṣiṇena nābhim avasthāpayati
- 16
अत्र दर्शपूर्णमासवत्पत्नीम्संनह्यति
सं त्वा नह्यामीति विकारः
atra darśapūrṇamāsavatpatnīmsaṃnahyati
saṃ tvā nahyāmīti vikāraḥ
- 17
इन्द्रस्य योनिर् असि मा मा हिंसीर् इति कृष्णविषाणां यजमानाय प्रयच्छति
indrasya yonir asi mā mā hiṃsīr iti kṛṣṇaviṣāṇāṃ yajamānāya prayacchati
- 18
आबध्नातीत्य् एके
ābadhnātīty eke
- 19
त्रिवलिः पञ्चवलिर्वा दक्षिणावृद्भवति
सव्यावृद् इत्य् एके
trivaliḥ pañcavalirvā dakṣiṇāvṛdbhavati
savyāvṛd ity eke

