15 shlokas
- 1
अथातिथ्यायास्तन्त्रं प्रक्रमयति
athātithyāyāstantraṃ prakramayati
- 2
द्वाविंशतिदारुर् इध्मः
dvāviṃśatidārur idhmaḥ
- 3
आश्ववालः प्रस्तरः
ऐक्षवी विधृती
कार्ष्मर्यमयाः परिधयः
वेदं कृत्वाग्नीन्परिस्तीर्य पाणिप्रक्षालनादि कर्म प्रतिपद्यते
āśvavālaḥ prastaraḥ
aikṣavī vidhṛtī
kārṣmaryamayāḥ paridhayaḥ
vedaṃ kṛtvāgnīnparistīrya pāṇiprakṣālanādi karma pratipadyate
- 4
यथार्थं पात्रप्रयोगः
yathārthaṃ pātraprayogaḥ
- 5
निर्वपणकाले पत्नीं शकटम् अन्वारम्भयित्वातिथ्यं निर्वपति
nirvapaṇakāle patnīṃ śakaṭam anvārambhayitvātithyaṃ nirvapati
- 6
पत्न्या वा हस्तेन
patnyā vā hastena
- 7
हस्ताद्वा
हस्तान्निर्वपन्हस्ते सर्वाञ्छकटमन्त्राञ्जपेत्
hastādvā
hastānnirvapanhaste sarvāñchakaṭamantrāñjapet
- 8
अग्नेर् आतिथ्यम् असीत्य् एतैः प्रतिमन्त्रम्
agner ātithyam asīty etaiḥ pratimantram
- 9
देवतादेशनस्य प्रत्याम्नायो भवति
devatādeśanasya pratyāmnāyo bhavati
- 10
पञ्चसु सावित्रं जुष्टं चानुषजति
pañcasu sāvitraṃ juṣṭaṃ cānuṣajati
- 11
नोत्तरयोर् इत्य् एके
nottarayor ity eke
- 12
वैष्णवो नवकपालः पुरोडाशो भवति
vaiṣṇavo navakapālaḥ puroḍāśo bhavati
- 13
विष्णुवद् एवात ऊर्ध्वं संस्काराः
viṣṇuvad evāta ūrdhvaṃ saṃskārāḥ
- 14
हविष्कृता वाचं विसृज्योत्तरम् अनड्वाहं विमुच्य
haviṣkṛtā vācaṃ visṛjyottaram anaḍvāhaṃ vimucya
- 15
वारुणम् असीति वासो ऽपादाय वरुणो ऽसि धृतव्रत इति राजानम् आदायाच्छिद्रपत्रः प्रजा उपावरोहोशन्न् उशतीः स्योनः स्योनाः सोम राजन्विश्वस्त्वं प्रजा उपावरोह विश्वास्त्वां प्रजा उपावरोहन्त्व् इत्य् उपावहृत्योर्व् अन्तरिक्षम् अन्विहीत्य् अभिप्रव्रजति
vāruṇam asīti vāso 'pādāya varuṇo 'si dhṛtavrata iti rājānam ādāyācchidrapatraḥ prajā upāvarohośann uśatīḥ syonaḥ syonāḥ soma rājanviśvastvaṃ prajā upāvaroha viśvāstvāṃ prajā upāvarohantv ity upāvahṛtyorv antarikṣam anvihīty abhipravrajati

