10 shlokas
- 1
अग्ने त्वं सु जागृहीति स्वप्स्यन्न् आहवनीयम् अभिमन्त्रयते
agne tvaṃ su jāgṛhīti svapsyann āhavanīyam abhimantrayate
- 2
त्वम् अग्ने व्रतपा असीति प्रबुध्य मुष्टी वाचं वा विसृज्यादीक्षितवादं वोदित्वा
tvam agne vratapā asīti prabudhya muṣṭī vācaṃ vā visṛjyādīkṣitavādaṃ voditvā
- 3
विश्वे देवा अभि माम् आववृत्रन्न् इति प्रबुध्य जपति
पुनर्मनः पुनर् आयुर् आगात्पुनः प्राणः पुनर् आकूतम् आगात्
वैश्वानरो ऽदब्धस्तनूपा अवबाधतां दुरितानि विश्वेति च
viśve devā abhi mām āvavṛtrann iti prabudhya japati
punarmanaḥ punar āyur āgātpunaḥ prāṇaḥ punar ākūtam āgāt
vaiśvānaro 'dabdhastanūpā avabādhatāṃ duritāni viśveti ca
- 4
तस्माद्दीक्षितो द्वादशाहं भृतिं वन्वीत
यज्ञम् एव तत्संभरतीति विज्ञायते
tasmāddīkṣito dvādaśāhaṃ bhṛtiṃ vanvīta
yajñam eva tatsaṃbharatīti vijñāyate
- 5
पूषा सन्येति सनीहारान्संशास्ति
pūṣā sanyeti sanīhārānsaṃśāsti
- 6
चन्द्रम् असीत्य् एतैर्यथालिङ्गं प्रतिगृह्णाति
candram asīty etairyathāliṅgaṃ pratigṛhṇāti
- 7
देवः सविता वसोर्वसुदावेत्य् अन्यानि
devaḥ savitā vasorvasudāvety anyāni
- 8
वायवे त्वेति तासां नष्टाम् अनुदिशति
vāyave tveti tāsāṃ naṣṭām anudiśati
- 9
वरुणाय त्वेत्य् अप्सु मृताम्
varuṇāya tvety apsu mṛtām
- 10
निरृत्यै त्वेत्य् अवसन्नां संशीर्णां वा
nirṛtyai tvety avasannāṃ saṃśīrṇāṃ vā

