7 shlokas
- 1
अत्र दर्शपूर्णमासवद्धुराव् अभिमृश्य वारुणम् असीति शकटम् आखिद्य वरुणस्त्वोत्तभ्नात्व् इत्य् उपस्तभ्य वरुणस्य स्कम्भनम् असीति शम्यां प्रतिमुच्योस्राव् एतं धूर्षाहाव् इत्य् अनड्वाहाव् उपाज्य वारुणम् असीति योक्त्रपाशं परिहृत्य प्रत्यस्तो वरुणस्य पाश इत्य् अभिधानीं प्रत्यस्यति
atra darśapūrṇamāsavaddhurāv abhimṛśya vāruṇam asīti śakaṭam ākhidya varuṇastvottabhnātv ity upastabhya varuṇasya skambhanam asīti śamyāṃ pratimucyosrāv etaṃ dhūrṣāhāv ity anaḍvāhāv upājya vāruṇam asīti yoktrapāśaṃ parihṛtya pratyasto varuṇasya pāśa ity abhidhānīṃ pratyasyati
- 2
एवम् उत्तरम् अनड्वाहं युनक्ति
evam uttaram anaḍvāhaṃ yunakti
- 3
हरिणी शाखे बिभ्रत्सुब्रह्मण्यो ऽन्तरेषे ऽवसर्पति
पलाशशाखे शमीशाखे वा
hariṇī śākhe bibhratsubrahmaṇyo 'ntareṣe 'vasarpati
palāśaśākhe śamīśākhe vā
- 4
अथाध्वर्युः शकटम् अन्वारभ्य संप्रेष्यति सोमाय राज्ञे क्रीताय प्रोह्यमाणायानुब्रूहि सुब्रह्मण्य सुब्रह्मण्याम् आह्वयेति
athādhvaryuḥ śakaṭam anvārabhya saṃpreṣyati somāya rājñe krītāya prohyamāṇāyānubrūhi subrahmaṇya subrahmaṇyām āhvayeti
- 5
सर्वासु सुब्रह्मण्यासु सुब्रह्मण्यम् अन्वारभ्य यजमानो जपति सासि सुब्रह्मण्ये तस्यास्ते पृथिवी पादः
सासि सुब्रह्मण्ये तस्यास्ते ऽन्तरिक्षं पादः
सासि सुब्रह्मण्ये तस्यास्ते द्यौः पादः
सासि सुब्रह्मण्ये तस्यास्ते दिशः पादः
परोरजास्ते पञ्चमः पादः
सा न इषम् ऊर्जं धुक्ष्व तेज इन्द्रियं ब्रह्मवर्चसम् अन्नाद्यम् इति
sarvāsu subrahmaṇyāsu subrahmaṇyam anvārabhya yajamāno japati sāsi subrahmaṇye tasyāste pṛthivī pādaḥ
sāsi subrahmaṇye tasyāste 'ntarikṣaṃ pādaḥ
sāsi subrahmaṇye tasyāste dyauḥ pādaḥ
sāsi subrahmaṇye tasyāste diśaḥ pādaḥ
parorajāste pañcamaḥ pādaḥ
sā na iṣam ūrjaṃ dhukṣva teja indriyaṃ brahmavarcasam annādyam iti
- 6
एवं त्रिर् आहूतामाहूताम्
evaṃ trir āhūtāmāhūtām
- 7
प्रथमायां त्रिर् अनूक्तायाम्
prathamāyāṃ trir anūktāyām

