11 shlokas
- 1
अग्निर्वै दीक्षितस्तस्माद् एनं नोपस्पृशेत्
agnirvai dīkṣitastasmād enaṃ nopaspṛśet
- 2
न चास्य नाम गृह्णीयात्
na cāsya nāma gṛhṇīyāt
- 3
न पुरा दक्षिणाभ्यो नेतोः कृष्णविषाणाम् अवचृतेत्
na purā dakṣiṇābhyo netoḥ kṛṣṇaviṣāṇām avacṛtet
- 4
न च दन्तान्दर्शयते
na ca dantāndarśayate
- 5
हस्तेनापिगृह्य स्मयते
hastenāpigṛhya smayate
- 6
मधु मांसं स्त्रियम् अनृतम् उपरिशय्यां ष्ठीवनं विकाले निष्क्रमणं दीक्षितविमितात्प्रवासम् इति वर्जयेत्
madhu māṃsaṃ striyam anṛtam upariśayyāṃ ṣṭhīvanaṃ vikāle niṣkramaṇaṃ dīkṣitavimitātpravāsam iti varjayet
- 7
न दिवा मूत्रपुरीषे कुर्यात्
na divā mūtrapurīṣe kuryāt
- 8
यदि कुर्याच्छायायाम्
yadi kuryācchāyāyām
- 9
मूत्रं चिकीर्षन्न् इयं ते यज्ञिया तनूर् इति तृणं लोष्टं वापादायापो मुञ्चामि न प्रजाम् अंहोमुचः स्वाहाकृताः पृथिवीम् आविशतेति मूत्रं विसृज्याचम्य पृथिव्या संभवेत्य् अपात्तं प्रतिनिदधाति
mūtraṃ cikīrṣann iyaṃ te yajñiyā tanūr iti tṛṇaṃ loṣṭaṃ vāpādāyāpo muñcāmi na prajām aṃhomucaḥ svāhākṛtāḥ pṛthivīm āviśateti mūtraṃ visṛjyācamya pṛthivyā saṃbhavety apāttaṃ pratinidadhāti
- 10
यन्मे ऽत्र पयसः परीतोषात्तद् अर्पिथ
अग्निहोत्रम् इव सोमेन तद् अहं पुनर् आदद इति रेतः स्कन्नम् अनुमन्त्रयते
yanme 'tra payasaḥ parītoṣāttad arpitha
agnihotram iva somena tad ahaṃ punar ādada iti retaḥ skannam anumantrayate
- 11
यद् अत्रापि रसस्य मे निरष्ठविषम् अस्मृतम्
अग्निष्टत्सोमः पृथिवी पुनर् आत्मन्दधातु म इति छर्दित्वा ष्ठुत्वा वा
यद् अन्नम् अद्यते नक्तं न तत्प्रातः क्षुधो ऽवति
सर्वं तद् अस्मान्मा हिंसीर्नहि तद्ददृशे दिवेति स्वप्ने ऽन्नं भुक्त्वा
रुद्रियाभ्यो ऽद्भ्यः स्वाहेति लोहितम् उत्पतितं दृष्ट्वा
yad atrāpi rasasya me niraṣṭhaviṣam asmṛtam
agniṣṭatsomaḥ pṛthivī punar ātmandadhātu ma iti charditvā ṣṭhutvā vā
yad annam adyate naktaṃ na tatprātaḥ kṣudho 'vati
sarvaṃ tad asmānmā hiṃsīrnahi taddadṛśe diveti svapne 'nnaṃ bhuktvā
rudriyābhyo 'dbhyaḥ svāheti lohitam utpatitaṃ dṛṣṭvā

