8 shlokas
- 1
राजा देवयजनं याचति
अग्निर्होता स मे होता होतर्देवयजनं मे देहीति होतारम्
आदित्यो ऽध्वर्युः स मे ऽध्वर्युर् अध्वर्यो देवयजनं मे देहीत्य् अध्वर्युम्
चन्द्रमा ब्रह्मा स मे ब्रह्मा ब्रह्मन्देवयजनं मे देहीति ब्रह्माणम्
पर्जन्य उद्गाता स म उद्गातोद्गातर्देवयजनं मे देहीत्य् उद्गातारम्
आकाशः सदस्यः स मे सदस्यः सदस्य देवयजनं मे देहीति सदस्यम्
आपो होत्राशंसिनस्ते मे होत्राशंसिनो होत्राशंसिनो देवयजनं मे दत्तेति होत्रकान्
रश्मयश्चमसाध्वर्यवस्ते मे चमसाध्वर्यवश्चमसाध्वर्यवो देवयजनं मे दत्तेति चमसाध्वर्यून्
rājā devayajanaṃ yācati
agnirhotā sa me hotā hotardevayajanaṃ me dehīti hotāram
ādityo 'dhvaryuḥ sa me 'dhvaryur adhvaryo devayajanaṃ me dehīty adhvaryum
candramā brahmā sa me brahmā brahmandevayajanaṃ me dehīti brahmāṇam
parjanya udgātā sa ma udgātodgātardevayajanaṃ me dehīty udgātāram
ākāśaḥ sadasyaḥ sa me sadasyaḥ sadasya devayajanaṃ me dehīti sadasyam
āpo hotrāśaṃsinaste me hotrāśaṃsino hotrāśaṃsino devayajanaṃ me datteti hotrakān
raśmayaścamasādhvaryavaste me camasādhvaryavaścamasādhvaryavo devayajanaṃ me datteti camasādhvaryūn
- 2
अपि वा न देवयजनं याचेत्
देवता एवोपतिष्ठेत सक्षेदं पश्य विधर्तर् इदं पश्य नाकेदं पश्य
रमतिः पनिष्ठर्तं वर्षिष्ठम् अमृता यान्य् आहुः सूर्यो वरिष्ठो अक्षभिर्विभात्य् अनु द्यावापृथिवी देवपुत्रे इति
api vā na devayajanaṃ yācet
devatā evopatiṣṭheta sakṣedaṃ paśya vidhartar idaṃ paśya nākedaṃ paśya
ramatiḥ paniṣṭhartaṃ varṣiṣṭham amṛtā yāny āhuḥ sūryo variṣṭho akṣabhirvibhāty anu dyāvāpṛthivī devaputre iti
- 3
एदम् अगन्म देवयजनं पृथिव्या इति देवयजनम् अध्यवस्यति
edam aganma devayajanaṃ pṛthivyā iti devayajanam adhyavasyati
- 4
प्राग्वंशस्य मध्यमं स्थूणाराजम् आरभ्य जपतीति वाजसनेयकम्
prāgvaṃśasya madhyamaṃ sthūṇārājam ārabhya japatīti vājasaneyakam
- 5
ततः संभारयजूंषि जुहोति
tataḥ saṃbhārayajūṃṣi juhoti
- 6
अग्निर्यजुर्भिः सविता स्तोमैर् इत्य् एषो ऽनुवाक आम्नातः
agniryajurbhiḥ savitā stomair ity eṣo 'nuvāka āmnātaḥ
- 7
अत्र राजानम् आहृत्य पयसौदनेन परिवेविषन्त्य् आ क्रयात्
atra rājānam āhṛtya payasaudanena pariveviṣanty ā krayāt
- 8
स्वे दक्षे दक्षपितेह सीद देवानां सुम्नो महते रणाय
स्वासस्थस्तनुवा संविशस्व पितेवैधि सूनव आ सुशेवः
शिवो मा शिवम् आविश सत्यं म आत्मा श्रद्धा मे ऽक्षितिस्तपो मे प्रतिष्ठा
सवितृप्रसूता मा दिशो दीक्षयन्तु सत्यम् अस्मीति पुरस्ताद्दीक्षणीयाया आहवनीयं यजमान उपतिष्ठते
सप्तहोतारं मनसानुद्रुत्याहवनीये सग्रहं हुत्वा
sve dakṣe dakṣapiteha sīda devānāṃ sumno mahate raṇāya
svāsasthastanuvā saṃviśasva pitevaidhi sūnava ā suśevaḥ
śivo mā śivam āviśa satyaṃ ma ātmā śraddhā me 'kṣitistapo me pratiṣṭhā
savitṛprasūtā mā diśo dīkṣayantu satyam asmīti purastāddīkṣaṇīyāyā āhavanīyaṃ yajamāna upatiṣṭhate
saptahotāraṃ manasānudrutyāhavanīye sagrahaṃ hutvā

