15 shlokas
- 1
वृत्रस्य कनीनिकासीति त्रैककुदेनाञ्जनेनाङ्क्ते
vṛtrasya kanīnikāsīti traikakudenāñjanenāṅkte
- 2
यदि त्रैककुदं नाधिगच्छेद्येनैव केन चाञ्जनेनाञ्जीतेति वाजसनेयकम्
yadi traikakudaṃ nādhigacchedyenaiva kena cāñjanenāñjīteti vājasaneyakam
- 3
सतूलया दर्भेषीकया शरेषीकया दर्भपुञ्जीलेन वाभ्यन्तरं द्विर्दक्षिणम् अनिधावमानः
सकृत्सव्यम्
satūlayā darbheṣīkayā śareṣīkayā darbhapuñjīlena vābhyantaraṃ dvirdakṣiṇam anidhāvamānaḥ
sakṛtsavyam
- 4
अपि वा द्विर्दक्षिणं त्रिः सव्यम्
त्रिस्त्रिर्वोभे
api vā dvirdakṣiṇaṃ triḥ savyam
tristrirvobhe
- 5
अथैनम् उत्तरेण बहिः प्राग्वंशाद्दर्भपुञ्जीलैः पवयति
athainam uttareṇa bahiḥ prāgvaṃśāddarbhapuñjīlaiḥ pavayati
- 6
द्वाभ्यां पवयति त्रिभिः पवयतीत्य् उक्तम्
dvābhyāṃ pavayati tribhiḥ pavayatīty uktam
- 7
एकविंशत्या त्रेधा विभक्तया सप्तभिः सप्तभिर्द्विर् ऊर्ध्वं नाभेर् उन्मार्ष्टि
सकृद् अर्वाक्
ekaviṃśatyā tredhā vibhaktayā saptabhiḥ saptabhirdvir ūrdhvaṃ nābher unmārṣṭi
sakṛd arvāk
- 8
अन्वञ्चं पावयतीत्य् एके
anvañcaṃ pāvayatīty eke
- 9
यं द्विष्यात्तं तिर्यञ्चम् अक्ष्णया वा पावयेत्
yaṃ dviṣyāttaṃ tiryañcam akṣṇayā vā pāvayet
- 10
चित्पतिस्त्वा पुनात्व् इत्य् एतैः प्रतिमन्त्रम्
citpatistvā punātv ity etaiḥ pratimantram
- 11
अच्छिद्रेण पवित्रेणेति सर्वत्रानुषजति
acchidreṇa pavitreṇeti sarvatrānuṣajati
- 12
चित्पतिर्मा पुनातु वाक्पतिर्मा पुनातु देवो मा सविता पुनात्व् इति पाव्यमानो जपति
citpatirmā punātu vākpatirmā punātu devo mā savitā punātv iti pāvyamāno japati
- 13
तस्य ते पवित्रपत इति च
पवमानः सुवर्जनः पवित्रेण विचर्षणिः
यः पोता स पुनातु मा
प्राजापत्यं पवित्रं शतोद्यामं हिरण्मयम्
तेन ब्रह्मविदो वयं पूतं ब्रह्म पुनीमह इति च
tasya te pavitrapata iti ca
pavamānaḥ suvarjanaḥ pavitreṇa vicarṣaṇiḥ
yaḥ potā sa punātu mā
prājāpatyaṃ pavitraṃ śatodyāmaṃ hiraṇmayam
tena brahmavido vayaṃ pūtaṃ brahma punīmaha iti ca
- 14
यद्देवा देवहेडनं त्वम् अग्ने अयासीति च पूतः
yaddevā devaheḍanaṃ tvam agne ayāsīti ca pūtaḥ
- 15
प्राग्वा दीक्षणीयाया जुहुयात्
जपेद् इत्य् एके
prāgvā dīkṣaṇīyāyā juhuyāt
japed ity eke

