14 shlokas
- 1
सोमेन यक्ष्यमाणो ब्राह्मणान् आर्षेयान् ऋत्विजो वृणीते यूनः स्थविरान्वानूचानान् ऊर्ध्ववाचो ऽनङ्गहीनान्
somena yakṣyamāṇo brāhmaṇān ārṣeyān ṛtvijo vṛṇīte yūnaḥ sthavirānvānūcānān ūrdhvavāco 'naṅgahīnān
- 2
तेभ्यः सोमं प्राह
tebhyaḥ somaṃ prāha
- 3
तं पृच्छति क ऋत्विजः के याजयन्ति कच्चिन्नाहीनः कच्चिन्न न्यस्तम् आर्त्विज्यं कच्चित्कल्याण्यो दक्षिणा इति छन्दोगब्राह्मणं भवति
taṃ pṛcchati ka ṛtvijaḥ ke yājayanti kaccinnāhīnaḥ kaccinna nyastam ārtvijyaṃ kaccitkalyāṇyo dakṣiṇā iti chandogabrāhmaṇaṃ bhavati
- 4
अथ जपति महन्मे ऽवोचो भर्गो मे ऽवोचो यशो मे वोचः स्तोमं मे ऽवोचः कॢप्तिं मे ऽवोचो भुक्तिं मे ऽवोचः सर्वं मे ऽवोचस्तन्मावतु तन्माविशतु तेन भुक्षिषीयेति
atha japati mahanme 'voco bhargo me 'voco yaśo me vocaḥ stomaṃ me 'vocaḥ kḷptiṃ me 'voco bhuktiṃ me 'vocaḥ sarvaṃ me 'vocastanmāvatu tanmāviśatu tena bhukṣiṣīyeti
- 5
पद्वा नामासि स्रुतिः सोमसरणी सोमं गमेयम् इति पन्थानम् आतिष्ठते
padvā nāmāsi srutiḥ somasaraṇī somaṃ gameyam iti panthānam ātiṣṭhate
- 6
देवो देवम् एतु सोमः सोमम् एत्व् ऋतस्य पथा विहाय दौष्कृत्यम् इत्य् अभिप्रव्रजति
devo devam etu somaḥ somam etv ṛtasya pathā vihāya dauṣkṛtyam ity abhipravrajati
- 7
पितरो भूर् इति दक्षिणावृत्तः पितॄन् उपतिष्ठते
pitaro bhūr iti dakṣiṇāvṛttaḥ pitṝn upatiṣṭhate
- 8
तान्वृणीते चतुरः सर्वान्वैकैकशः
tānvṛṇīte caturaḥ sarvānvaikaikaśaḥ
- 9
अध्वर्युं प्रतिप्रस्थातारं नेष्टारम् उन्नेतारम् इत्य् अध्वर्यून्
ब्रह्माणं ब्राह्मणाच्छंसिनम् आग्नीध्रं पोतारम् इति ब्रह्मणः
होतारं मैत्रावरुणम् अच्छावाकं ग्रावस्तुतम् इति होतॄन्
उद्गातारं प्रस्तोतारं प्रतिहर्तारं सुब्रह्मण्यम् इत्य् उद्गातॄन्
adhvaryuṃ pratiprasthātāraṃ neṣṭāram unnetāram ity adhvaryūn
brahmāṇaṃ brāhmaṇācchaṃsinam āgnīdhraṃ potāram iti brahmaṇaḥ
hotāraṃ maitrāvaruṇam acchāvākaṃ grāvastutam iti hotṝn
udgātāraṃ prastotāraṃ pratihartāraṃ subrahmaṇyam ity udgātṝn
- 10
सदस्यं सप्तदशं कौषीतकिनः समामनन्ति
sadasyaṃ saptadaśaṃ kauṣītakinaḥ samāmananti
- 11
स कर्मणाम् उपद्रष्टा भवति
sa karmaṇām upadraṣṭā bhavati
- 12
यदि चतुर आद्यान्
yadi catura ādyān
- 13
अथ वरणाः
atha varaṇāḥ
- 14
अग्निर्मे होतादित्यो मे ऽध्वर्युश्चन्द्रमा मे ब्रह्मा पर्जन्यो म उद्गाताकाशो मे सदस्य आपो मे होत्राशंसिनो रश्मयो मे चमसाध्वर्यव इत्य् उपांशु देवतादेशनम्
असौ मानुष इत्य् उच्चैः
agnirme hotādityo me 'dhvaryuścandramā me brahmā parjanyo ma udgātākāśo me sadasya āpo me hotrāśaṃsino raśmayo me camasādhvaryava ity upāṃśu devatādeśanam
asau mānuṣa ity uccaiḥ

