19 shlokas
- 1
दक्षिणत उन्नतम् उदीचीनावनतं प्राक्प्रवणं प्रागुदक्प्रवणं वा देवयजनम्
dakṣiṇata unnatam udīcīnāvanataṃ prākpravaṇaṃ prāgudakpravaṇaṃ vā devayajanam
- 2
यत्र वा बहवो ब्राह्मणाः संराधयेयुः
yatra vā bahavo brāhmaṇāḥ saṃrādhayeyuḥ
- 3
अग्नयो वाव देवयजनम्
यत्र क्व चाग्नीन् आधाय यजते देवयजन एव यजत इति विज्ञायते
agnayo vāva devayajanam
yatra kva cāgnīn ādhāya yajate devayajana eva yajata iti vijñāyate
- 4
दक्षिणा वाव देवयजनम्
दक्षिणाश्चेत्कल्याणीर्ददाति देवयजन एव यजत इत्य् एके
dakṣiṇā vāva devayajanam
dakṣiṇāścetkalyāṇīrdadāti devayajana eva yajata ity eke
- 5
पुरोहविषीति काम्यानि
purohaviṣīti kāmyāni
- 6
निर्व्रस्के ऽभिचरन्यजेत
nirvraske 'bhicaranyajeta
- 7
यस्माद्वृक्षाद्वल्मीकान् इति निर्हरेयुर् अथो अभिखनेयुः
yasmādvṛkṣādvalmīkān iti nirhareyur atho abhikhaneyuḥ
- 8
परोक्षं गुहा वने याजयेद् अभिशस्यमानम्
parokṣaṃ guhā vane yājayed abhiśasyamānam
- 9
परोक्षं पृष्ठान्य् उपेयुः
सर्वम् उपांशु क्रियेत
स्थले यजेत
parokṣaṃ pṛṣṭhāny upeyuḥ
sarvam upāṃśu kriyeta
sthale yajeta
- 10
यः कामयेतोभयेषां देवमनुष्याणां प्रकाशं गच्छेयम् इति न प्राचीनं देवयजनाद्देवयजनमात्रम् उच्छिंषेत्
yaḥ kāmayetobhayeṣāṃ devamanuṣyāṇāṃ prakāśaṃ gaccheyam iti na prācīnaṃ devayajanāddevayajanamātram ucchiṃṣet
- 11
यत्रापो देवयजनं चान्तरेण पन्था अभिविधावेत्तस्मिन्याजयेद्यं कामयेत नैनम् उत्तरो यज्ञ उपनमेद् इति
yatrāpo devayajanaṃ cāntareṇa panthā abhividhāvettasminyājayedyaṃ kāmayeta nainam uttaro yajña upanamed iti
- 12
कौत्साद्राजानं क्रीणीयाद् अन्यस्माद्वा ब्राह्मणाद् इत्य् उक्त्वाहाप्य् अब्राह्मणाद् इति
kautsādrājānaṃ krīṇīyād anyasmādvā brāhmaṇād ity uktvāhāpy abrāhmaṇād iti
- 13
उत्तरवेदिदेश उपरवदेशे वा लोहितं चर्मानडुहं प्राचीनग्रीवम् उत्तरलोमास्तीर्य दक्षिणे चर्मपक्षे राजानं निवपति
उत्तरस्मिन्न् उपविशति सोमविक्रयी
uttaravedideśa uparavadeśe vā lohitaṃ carmānaḍuhaṃ prācīnagrīvam uttaralomāstīrya dakṣiṇe carmapakṣe rājānaṃ nivapati
uttarasminn upaviśati somavikrayī
- 14
उदकुम्भं राजानं सोमविक्रयिणम् इति सर्वतः परिश्रित्योत्तरेण द्वारं कृत्वा विचित्यः सोमा३ इत्य् उक्तम्
udakumbhaṃ rājānaṃ somavikrayiṇam iti sarvataḥ pariśrityottareṇa dvāraṃ kṛtvā vicityaḥ somā3 ity uktam
- 15
सोमविक्रयिन्सोमं शोधयेत्य् उक्त्वा पराङ् आवर्तते
somavikrayinsomaṃ śodhayety uktvā parāṅ āvartate
- 16
न साम्येक्षम् उपेयात्
न यजमानः सोमं विचिनुयात्
na sāmyekṣam upeyāt
na yajamānaḥ somaṃ vicinuyāt
- 17
नास्य पुरुषो नाध्वर्युर्नाध्वर्युपुरुषः
nāsya puruṣo nādhvaryurnādhvaryupuruṣaḥ
- 18
राज्ञो विचीयमानस्योपद्रष्टारः स्युः
rājño vicīyamānasyopadraṣṭāraḥ syuḥ
- 19
अहं त्वद् अस्म्य् आजुह्वान इत्य् एताभ्याम् आहवनीयं यजमान उपतिष्ठते
ahaṃ tvad asmy ājuhvāna ity etābhyām āhavanīyaṃ yajamāna upatiṣṭhate

