15 shlokas
- 1
दीक्षणीयायास्तन्त्रं प्रक्रमयति
dīkṣaṇīyāyāstantraṃ prakramayati
- 2
आग्नावैष्णवम् एकादशकपालं निर्वपति
आग्नावैष्णवं वा घृते चरुम्
āgnāvaiṣṇavam ekādaśakapālaṃ nirvapati
āgnāvaiṣṇavaṃ vā ghṛte carum
- 3
पुरोडाशो ब्रह्मवर्चसकामस्य
घृते चरुः प्रजाकामस्य पशुकामस्य वा
puroḍāśo brahmavarcasakāmasya
ghṛte caruḥ prajākāmasya paśukāmasya vā
- 4
आदित्यं घृते चरुं द्वितीयं प्रजाकामपशुकामस्यैके समामनन्ति
ādityaṃ ghṛte caruṃ dvitīyaṃ prajākāmapaśukāmasyaike samāmananti
- 5
पञ्चदश सप्तदश वा सामिधेन्यः
pañcadaśa saptadaśa vā sāmidhenyaḥ
- 6
प्राग्वंशम् एके पूर्वं समामनन्ति
दीक्षणीयाम् एके
prāgvaṃśam eke pūrvaṃ samāmananti
dīkṣaṇīyām eke
- 7
पत्नीसंयाजान्ता दीक्षणीया संतिष्ठते
patnīsaṃyājāntā dīkṣaṇīyā saṃtiṣṭhate
- 8
धारयति ध्रौवम् आज्यम्
dhārayati dhrauvam ājyam
- 9
यत्प्राग् अग्नीषोमीयात्तेनोपांशु चरति
yatprāg agnīṣomīyāttenopāṃśu carati
- 10
अथैकेषाम्
यावत्य् अस्य वाग्भवति तावतीं दीक्षणीयायाम् अन्वाह
ततो नीचैस्तरां प्रायणीयायाम्
नीचैस्तराम् आतिथ्यायाम्
उपांशूपसत्सु
उच्चैर् अग्नीषोमीये
athaikeṣām
yāvaty asya vāgbhavati tāvatīṃ dīkṣaṇīyāyām anvāha
tato nīcaistarāṃ prāyaṇīyāyām
nīcaistarām ātithyāyām
upāṃśūpasatsu
uccair agnīṣomīye
- 11
मन्द्रेण दीक्षणीयायाम्
मन्द्रतरेण प्रायणीयायाम्
मन्द्रतरेणातिथ्यायाम्
उपांशूपसत्सु
उच्चैर् अग्नीषोमीये
उपांशुतरं प्रायणीयायाम्
उपांशुतरम् आतिथ्यायाम्
उपांशूपसत्सु
उच्चैर् अग्नीषोमीये
mandreṇa dīkṣaṇīyāyām
mandratareṇa prāyaṇīyāyām
mandratareṇātithyāyām
upāṃśūpasatsu
uccair agnīṣomīye
upāṃśutaraṃ prāyaṇīyāyām
upāṃśutaram ātithyāyām
upāṃśūpasatsu
uccair agnīṣomīye
- 12
दर्शपूर्णमासप्रकृतीनां सोमे ऽग्न्यन्वाधानं व्रतोपायनम् आरण्याशनं जागरणम् अन्वाहार्यस्य च दानं पत्न्याः संनहनं विमोचनम् इति न विद्यन्ते
darśapūrṇamāsaprakṛtīnāṃ some 'gnyanvādhānaṃ vratopāyanam āraṇyāśanaṃ jāgaraṇam anvāhāryasya ca dānaṃ patnyāḥ saṃnahanaṃ vimocanam iti na vidyante
- 13
अग्न्यन्वाधानं तु दीक्षणीयायां क्रियेत पत्न्याश्च संनहनम्
agnyanvādhānaṃ tu dīkṣaṇīyāyāṃ kriyeta patnyāśca saṃnahanam
- 14
दीक्षासु यूपं कारयति
dīkṣāsu yūpaṃ kārayati
- 15
क्रीते राजन्य् उपसत्सु वा
krīte rājany upasatsu vā

