12 shlokas
- 1
प्रायणीयाया ध्रौवाद् अष्टौ जुह्वां चतुरो वा गृहीत्वा तस्मिन्दर्भेण हिरण्यं निष्टर्क्यं बद्ध्वावदधातीयं ते शुक्र तनूर् इति
prāyaṇīyāyā dhrauvād aṣṭau juhvāṃ caturo vā gṛhītvā tasmindarbheṇa hiraṇyaṃ niṣṭarkyaṃ baddhvāvadadhātīyaṃ te śukra tanūr iti
- 2
पुरस्तात्प्रतीची सोमक्रयण्य् अवस्थिता भवत्य् एकहायनी द्विहायनी वर्षीयसी वा
purastātpratīcī somakrayaṇy avasthitā bhavaty ekahāyanī dvihāyanī varṣīyasī vā
- 3
अकूटयाकर्णयेति रूपाणि
akūṭayākarṇayeti rūpāṇi
- 4
या रोहिणी बभ्रुलोम्नी पृश्निवाला पृश्निशफा शुच्यक्षी श्वित्रोपकाशा तया क्रीणीयाद् इत्य् एके
yā rohiṇī babhrulomnī pṛśnivālā pṛśniśaphā śucyakṣī śvitropakāśā tayā krīṇīyād ity eke
- 5
द्विरूपया राजन्यस्य
dvirūpayā rājanyasya
- 6
शुण्ठयाधीलोधकर्ण्या षोडशिनः
śuṇṭhayādhīlodhakarṇyā ṣoḍaśinaḥ
- 7
तद् आज्यं सोमक्रयणीम् ईक्षमाणो जुहोति जूर् असीति
tad ājyaṃ somakrayaṇīm īkṣamāṇo juhoti jūr asīti
- 8
अपरं चतुर्गृहीतं गृहीत्वा शुक्रम् असीति हिरण्यं पश्चाद् उद्धृत्य वैश्वदेवं हविर् इत्य् आज्यम् अवेक्ष्य सूर्यस्य चक्षुर् आरुहम् इत्य् आदित्यम् उपस्थाय चिद् असि मनासीति सोमक्रयणीम् अभिमन्त्रयते
aparaṃ caturgṛhītaṃ gṛhītvā śukram asīti hiraṇyaṃ paścād uddhṛtya vaiśvadevaṃ havir ity ājyam avekṣya sūryasya cakṣur āruham ity ādityam upasthāya cid asi manāsīti somakrayaṇīm abhimantrayate
- 9
अकर्णगृहीतापदिबद्धा भवति
akarṇagṛhītāpadibaddhā bhavati
- 10
मित्रस्त्वा पदि बध्नात्व् इति दक्षिणं पूर्वपादं प्रेक्षते
पूषाध्वनः पात्व् इति प्राचीं यतीम् अनुमन्त्रयते
mitrastvā padi badhnātv iti dakṣiṇaṃ pūrvapādaṃ prekṣate
pūṣādhvanaḥ pātv iti prācīṃ yatīm anumantrayate
- 11
षट्पदान्य् अनुनिक्रामति दक्षिणेन पदा दक्षिणानि वस्व्य् असि रुद्रासीत्य् एतैः प्रतिमन्त्रम्
ṣaṭpadāny anunikrāmati dakṣiṇena padā dakṣiṇāni vasvy asi rudrāsīty etaiḥ pratimantram
- 12
एकम् इषे विष्णुस्त्वान्वेतु द्वे ऊर्जे विष्णुस्त्वान्वेतु त्रीणि व्रताय विष्णुस्त्वान्वेतु चत्वारि मयोभवाय विष्णुस्त्वान्वेतु पञ्च पशुभ्यो विष्णुस्त्वान्वेतु षड्रायस्पोषाय विष्णुस्त्वान्वेतु सप्त सप्तभ्यो होत्राभ्यो विष्णुस्त्वान्वेत्व् इति निक्रम्यमाणेषु यजमानो ऽनुवर्तयित्वा
ekam iṣe viṣṇustvānvetu dve ūrje viṣṇustvānvetu trīṇi vratāya viṣṇustvānvetu catvāri mayobhavāya viṣṇustvānvetu pañca paśubhyo viṣṇustvānvetu ṣaḍrāyaspoṣāya viṣṇustvānvetu sapta saptabhyo hotrābhyo viṣṇustvānvetv iti nikramyamāṇeṣu yajamāno 'nuvartayitvā

