16 shlokas
- 1
प्राचीनवंशं करोति पुरस्ताद् उन्नतं पश्चान्निनतं सर्वतः परिश्रितम्
prācīnavaṃśaṃ karoti purastād unnataṃ paścānninataṃ sarvataḥ pariśritam
- 2
अवान्तरदिक्षु स्रक्तयः
avāntaradikṣu sraktayaḥ
- 3
स्रक्तिष्व् आरोकान्करोति
sraktiṣv ārokānkaroti
- 4
प्रतिदिशम्द्वाराणि
pratidiśamdvārāṇi
- 5
पुरस्ताद्द्वारं स्वर्गकामः
दक्षिणतो यः कामयेत पितृलोक ऋध्नुयाम् इति
पश्चान्मनुष्यलोककामः
उत्तरतो यः कामयेत देवलोक ऋध्नुयाम् इति
उत्तरतः पुरस्ताद्यः कामयेतोभयोर्लोकयोर् ऋध्नुयाम् इति
सर्वतो यः कामयेत सर्वासु दिक्ष्व् ऋध्नुयाम् इति
purastāddvāraṃ svargakāmaḥ
dakṣiṇato yaḥ kāmayeta pitṛloka ṛdhnuyām iti
paścānmanuṣyalokakāmaḥ
uttarato yaḥ kāmayeta devaloka ṛdhnuyām iti
uttarataḥ purastādyaḥ kāmayetobhayorlokayor ṛdhnuyām iti
sarvato yaḥ kāmayeta sarvāsu dikṣv ṛdhnuyām iti
- 6
उत्तरेण बहिः प्राग्वंशं परिश्रिते यजमानः केशश्मश्रु वापयते
uttareṇa bahiḥ prāgvaṃśaṃ pariśrite yajamānaḥ keśaśmaśru vāpayate
- 7
उपपक्षाव् अग्रे ऽथ श्मश्रूण्य् अथ केशान्
अपि वा श्मश्रूण्य् उपपक्षाव् अथ केशान्
upapakṣāv agre 'tha śmaśrūṇy atha keśān
api vā śmaśrūṇy upapakṣāv atha keśān
- 8
आप उन्दन्त्व् इति दक्षिणं गोदानम् उनत्ति
ओषधे त्रायस्वैनम् इति प्रागग्रं दर्भम् अन्तर्धाय स्वधिते मैनं हिंसीर् इति स्वधितिनाभिनिधाय देवश्रूर् इति प्रवपति
āpa undantv iti dakṣiṇaṃ godānam unatti
oṣadhe trāyasvainam iti prāgagraṃ darbham antardhāya svadhite mainaṃ hiṃsīr iti svadhitinābhinidhāya devaśrūr iti pravapati
- 9
एवम् उत्तरं गोदानम्
evam uttaraṃ godānam
- 10
ओषधे त्रायस्व मा स्वधिते मा मा हिंसीः स्वस्त्य् उत्तराण्य् अशीयेति यजमानो जपति
oṣadhe trāyasva mā svadhite mā mā hiṃsīḥ svasty uttarāṇy aśīyeti yajamāno japati
- 11
अभ्यन्तरं नखानि कारयते
abhyantaraṃ nakhāni kārayate
- 12
सव्यस्याग्रे कनिष्ठिकातः
savyasyāgre kaniṣṭhikātaḥ
- 13
हस्त्यान्य् अग्रे ऽथ पद्यानि
hastyāny agre 'tha padyāni
- 14
औदुम्बरेण दतो धावते लोहितम् अनभिगमयन्
audumbareṇa dato dhāvate lohitam anabhigamayan
- 15
स्थावरास्व् अप्सु स्नाति शङ्खिनीष्व् अवकिनीषु लोमशे तीर्थे
sthāvarāsv apsu snāti śaṅkhinīṣv avakinīṣu lomaśe tīrthe
- 16
कुण्डे हिरण्यम् अवधाय तस्मिन्स्नातीति वाजसनेयकम्
kuṇḍe hiraṇyam avadhāya tasminsnātīti vājasaneyakam

